Со своите соништа за европски трофеј, Арсенал го дочекува Виљареал на Унаи Емери на стадионот „Емирати“ во реваншот од полуфиналето во Лига Европа.
„Жолтата подморница“ патува за Северен Лондон со предност од 2:1 од првиот натпревар, откако пеналот на Пепе им даде надеж на „топџиите“ по головите на Ману Тригерос и Раул Албиол.
Арсенал сака спас на сезоната преку Лигата на Европа
Почетникот во Лигата на Европа – Микел Артета беше надигран од Емери во првиот натпревар минатата недела. Имаше домаќинот 2:0 по само 29 минути игра. Имаше и играч повеќе откако Цебалос доби црвен картон во 57-та минута. Но кога сите очекуваа дека Виљареал ќе го зададе завршниот удар, се случи пенал за Арсенал и конечни 2:1.
Пласман во топ-четири во Премиер лигата е недостижна магија за Арсенал, па дури и пласман во топ-седум изгледа невозможна мисија. Надежите на Арсенал за враќање на континенталната сцена следната сезона се сведуваат само на успехот во Лигата на Европа.
Минатиот викенд Арсенал славеше кај Њукасл со 0:2, а тоа беше прва победа по серијата од три меча без победа.
Сепак, нивните натпревари на „Емирати“ претставуваат сериозна загриженост, бидејќи „Топџиите“ не успеаја да победат на пет средби по ред на домашен терен уште од победата во дербито за Северен Лондон против Тотенхем на 14-ти март.
Виљареал е одличен во Лигата на Европа
Емери не беше најзадоволен по средбата во Шпанија. Неговиот тим имаше добра предност и играч повеќе но сепак во Лондон ќе патува со минимална предност.
Ако ништо друго, за разлика од Арсенал, шпанскиот тим се наоѓа на 6-то место и јасно е дека следната сезона ќе игра во Лигата на Европа. Ова за нив е шанса за пласман во Лигата на Шампиони. И Виљареал исто така обезбеди победа за време на викендот, откако 18-годишното крило Пино постигна гол за победа од 1:0 над Гетафе.
Виљареал патува во Северен Лондон со серија од девет победи во Лигата на Европа, а во оваа серија постигнаа најмалку по два гола на седум дуели. Нерешениот резултат 1:1 на гостувањето кај Макаби Тел Авив претставува единствен меч оваа сезона каде Виљареал не победи.
Неверојатно, Виљареал ги доби последните четири натпревари во Лигата на Европа на гостински терен без да прими гол, а тие не успеаја да напредуваат само во една од нивните последни 16 европски двомечи кога го добија првиот натпревар, но тоа беше противник од Англија и тоа Ливерпул во Лигата на Европа во сезоната 2015-16 година.
Be the first to comment