Шефилд Јунајтед е домаќин на Манчестер Јунајтед во единствениот меч од Премиер Лигата кој е на програмата во недела. Јунајтед е фаворит, но Шефилд влегува во овој натпревар од подобра позиција на табелата, нешто во кое ниту тие не веруваа пред почетокот на сезоната.
Вајлдер им одговори на критичарите кој го исмејуваат неговиот стил на игра
Менаџерот на Шефилд Јунајтед, Крис Вајлдер изјави дека ремито 1:1 со Тотенхем пред меѓународната пауза ги докажа нивните вредности и докажа дека тие се сосема заслужено при врвот во Премиер лигата, откако беа „исмејувани“ на почетокот на сезоната поради нивниот стил на игра. Добриот скокач од одбраната Балдок го постигна голот откако се префрли во нападот, за Шефилд на пет меча по ред да не доживее пораз.
“Горд сум на играчите, на нивниот настап. Чувствуваме дека имаме идентитет. Ние ги ограничивме во нивната игра играчите од светска класа и ги сведовме на многу малку можности за гол. Верувам дека бевме подобра екипа“ изваји по мечот Вајлдер.
Сега, пред мечот со Јунајтед тој истакна дека доколку неговиот тим повторно одигра така, може да ги освои трите бода.
Тимот на Солскер минатото коло ја прикажа својата најдобра партија
Оле Гунар Солскер ја опиша победата на Манчестер Јунајтед со 3:1 над Брајтон пред меѓународната пауза како „нивен најдобар перформанс оваа сезона“. Андреас Переира и Маркус Рашфорд одиграа одличен меч и постигнаа по еден гол, а уште еден беше дело на МекТоминај за највисок триумф на Јунајтед во Премиер Лигата од август и за пласман на највисоката позиција на табелата по два месеци.
Рашфорд требаше да има најмалку уште еден гол, но необјасниво ги пропушти своите длични шанси. Чуварот на Брајтон, Мат Рајан, се спаси од Џејмс и Фред, а Ентони Мартиал имаше неверојатни соло потези и создаде неколку шанси и за себе и за своите соиграчи. „Беше возбудливо и забавно. Како не завршивме со пет, шест или седум голови во мрежата на противникот јас стварно не знам“ изјави Солскер по натпреварот.
Но, победата имаше и цена – МекТоминај се повреди и сега неговиот настап е под знак прашалник за гостувањето кај Шефилд. Пол Погба, Тимоти Фосу-Менсах и Ерик Бајли остануваат надвор од стројот, но Аксел Туанзебе, Лук Шо и Немања Матиќ ги санираа своите повреди и можат да добијат шанса во тимот.
Шефилд во подобра форма, но Манчестер почнува да личи на себе
Шефилд Јунајтед го победи Манчестер Јунајтед со 2:1 на првиот ден во историјата на Премиер Лигата, уште во август 1992 година, но „црвените ѓаволи“ оттогаш победија на следните пет меѓусебни натпревари. Од тогаш до денес, гол разликата во меѓусебните дуели е 14:1.
Но сега ситуацијата е невообичаена. Шефилд во овој меч влегува од 8-то место на табелата, со можност доколку победи да се најде на 5-та позиција. Јунајтед пак е на 10-то место и има бод помалку од Шефилд. И формата е на страната на домаќинот, откако тие на последните седум натпревари единствено загубија од Ливерпул и тоа со 0:1 и поради несреќни околности.
Манчестер Јунајтед пак забележа пет победи и еден пораз на последните шест средби, но кога е во прашање Премиер Лигата тие имаат само две победи на последните седум натпревари. Но откако одиграа 1:1 против Ливерпул, нивната форма се чини дека оди во нагорна линија.
Интересно е што, кога Манчестер Јунајтед има коефициент поголем од екипите надвор од најдобрите шест во Премиер лигата, тие изгубиле пет од последните шест средби, а Шефилд во ова коло влезе од 6-та позиција на табелата.
Be the first to comment