Розенборг – Вардар: најава и анализа, по први бодови во Трондхајм

Вардар не можеше да добие потешка група во својата дебитантска сезона во Лигата на Европа. По мечот со Зенит, Македонскиот шампион оди на северот на Европа, во ладната Норвешка кај Розенборг кој е фаворит на овој натпревар. Сепак Вардар покажа дека знае како да одигра против фаворитите, ако го тргнеме настрана мечот со Зенит, а уште подобро покажа дека му лежи скандинавскиот фудбал во дуелите со Малме и со Копенхаген.

Розенборг повторно нема конкуренција во Норвешка

Норвешкиот шампионат веќе е во завршницата, во моментов се одиграни 23 рунди од 30-те колку што се играат во оваа скандинавска земја, а Розенборг и оваа година нема сериозна конкуренција и е неприкосновен на врвот на табелата. Само да потсетиме, минатата сезона Розенборг ја освои шампионската титула со предност од 15 бода, а веројатно така ќе биде и оваа сезона бидејќи Розенборг е прв со предност од 9 бода во однос на второпласираниот Сарпсборг. Розенборг има само 3 порази и 4 ремија, наспроти 15-те победи сезоава и тоа со убедлива гол разлика од 47 дадени и само 16 примени гола. Тоа значи дека во просек Розенборг постигнува по 2.04 гола по натпревар, а прима по 0.69 гола по меч. Ова доволно говори за надмоќта на Розенборг во не така слабиот шампионат на Норвешка. Во моментов екипата е во одлична серија и на последните три меча забележа три победи со 8 постигнати гола и без примен гол.

За 100 години постоење, норвежаните сакаат најголем успех во Европа

Розенборг оваа година прослави 100 години од своето постоење. Тимот од Трондхајм е основан на 19-ти мај 1917 година како Од, а во 1928 година го добива денешното име. Токму затоа сите инволвирани во тимот сега се насочени кон успех во Европа, ако се знае дека титулите во Норвешка се нешто вообичаено за овој тим. Раководството на тимот, фудбалерите, навивачите и сите останати околу овој тим сакаат да имаат долга сезона во Европа, најдолга досега за овој тим како би одбележале 100 годишнината на најдобар начин.

Розенборг игра многу тешко во Европа

На евро настапите Розенборг не е истата екипа како од домашниот шампионат. Јасно е дека екипата поседува квалитет за многу повисоки дострели дури и на меѓународно ниво, но никако не може да го искаже својот квалитет во Европа на вистински начин иако има огромно искуство со досега одиграни 239 натпревари во Европа. Тешко тргна овој тим и оваа сезона, откако со судни маки во Лигата на Шампионите го помина аутсајдерот од Р.Ирска, Дундалк кого не успеа да го победи. Двата меча завршија со идентични 1:1, а интересно ирците на домашен терен беа надмоќни и Розенборг имаше среќа што не загуби, додека на реваншот во продолженијата Розенборг постигна гол вреден пласманм во следното коло, каде беше елиминиран од Селтик и тоа по поразот на домашен терен. Конечно во плеј-офот на Лигата на Европа, Розенборг одигра на високо ниво и го елиминираше холандскиот гигант Ајакс над кого славеше на два пати со 0:1 и 3:1, на големо изненадување на сите. Интересно е тоа што токму со победата над Ајакс, тимот прекина една лоша серија на порази на домашен терен во Лигата на Европа. Пред овој натпревар, Розенборг немаше триумф пет меча пред своите навивачи во ова натпреварување, за потоа да го совлада холандскиот тим кој е минатосезонскиот финалист во Лигата на Европа. На првиот меч во групите против Реал Сисиедат, Розенборг заврши на сличен начин како и вардар со 4 гола во својата мрежа. Овој тим беше тотално надигран и може да биде среќен што не прими уште некој гол, за уште поубедлив пораз бидејќи уште во 10-та миута Сосиедат водеше со 2:0.

Бентнер е најголемата опасност за Вардар

Прва ѕвезда во Розенборг е еден од најпознатите норвешки фудбалери Никлас Бендтнер, поранешен играч на неколку познати екипи како Арсенал, Јувентус и Волфсбург, и актуелен репрезентативец на Данска. Овој фудбалер е незаменлива алка во тимот и сезонава на 22 одиграни натпревари постигна 14 гола. Неговата форма на последните 4 натпревари посебно импресионира, бидејќи Бентнер постигна 4 гола на тие мечеви и јасно е дека тој ќе биде најопасен по голот на Гачевски. Букмејкерите добро го знаат ова и токму според нив, тој е најблиску до гол на овој меч. Доколку се обложите дека ткму Бентнер ќе постигне гол на овој меч, ќе добиете коефициент 1.90 во бет365.

Густиот распоред е голем проблем за Вардар

Само во септември вардарци досега одиграа 5 натпревари. Вардар по пресметката со Силекс на 9-ти, играше против Зенит (14-ти септември), со Скопје (17-ти септември, на гости), со Ренова (20-ти септември дома) и со актуелниот куп-победник Пелистер (24-ти септември на гости), а по гостување во Трондхајм на северот на Норвешка против Розенборг го очекува и дуел со Шкупи во првенството (1-ви октомври дома). Вардар, па и ниту еден друг македонски тим не е навикнат да игра натпревари во Европа во овој период од годината и јасно е дека овој брз ритам и густ распоред создава големи маки кај вардаровите фудбалери. Тоа веќе се осети на последните неколку натпревари, прво при киксот со аутсајдерот Скопје и ремито 1:1, па потоа и со тешките две победи против Ренова и Пелистер. Нозете на фудбалерите се тешки, а Јаневски има ограничен број на квалитетни имиња за ротација, па најдобрите фудбалери на Вардар не одмараа ниту еднаш. Сепак, сите беа свесни дека пласманот во групите на Лигата на Европа ќе се одрази врз резултатите во домашниот шампионат. Чеде најдобро ротираше во одбраната, каде сите фудбалери имаат по два-три настапи до сега, но мора да се напомене дека дел од ротациите во одбраната беа и принудни односно поради повреди.

Јаневски со многу проблеми во одбраната

Дарко Велковски е последниот одбранбен играч на Вардар на долгата листа со отсутни за мечот со норвешкиот шампион Розенборг. Повреден веќе некое време е украинецот Евгениј Новак, а на овој меч нема да настапи ниту Брдаровски кој принудно играше како лев бек, поради лошите изданија на Демири. Сега Јаневски има само два класични бека и тоа Грнчаров и Муслиу кој ќе стартуваат против Розенборг, но е дефицитарен на левата бековска позиција. На оваа позиција здрави се Глишиќ и Демири, но првиот не се снајде најдобро откако влезе на местото на Брдаровски против Зенит и реално нема искуство за да игра на врвно ниво на вакви мечеви, додека Јаневски воопшто не е задоволен од Демири, кој никако не може да ги повтори игрите од дресот на младинската репрезентација во екипата на Вардар. Тука се поставува прашањето, дали Јаневски згреши што не го пријави Горан Попов за настап во Лигата на Европа. Во секој случај левата бековска позиција е голем проблем за Јаневски и создава многу дилеми но и главоболки кај него.

Букмејкерите го потцениле Вардар

Рoзенборг е апсолутен фаворит според букмејкерите и фудбалските експерти. И на нас ни е јасно дека Розенборг е поквалитетен, има поголемо искуство и многу помали проблеми во составот од Вардар во овој момент, но според коефициентот доделен за победа на Розенборг кој изнесува само 1.50, се чини дека Вардар е потценет. За реми во бет365 ќе добиете коефициент 4.50, додека за победа на Вардаркоефициентот е дури 7.50 во бет365. Кога во прашање се головите, коефициентите се доста привлечни. За да паднат повеќе од 2.5 гола во бет365 коефициентот е 1.90, исто колку што е и за да паднат помалку од 2.5 гола. Сепак се чини дека најпривлечен е коефициентот за Двете екипи да постигнат гол и тој изнесува 2.05 во бет365.

Наш предлог:

Двете екипи да постигнат гол @ 2.05 во бет365

Бентнер да постигне гол @ 1.90 во бет365

Be the first to comment

Leave a Reply

Your email address will not be published.


*