Актуелните шампиони на Португалија и Италија ќе се судрат на „Естадио Драгао“ во среда вечерта. Порто е аутсајдер против Јувентус дури и на домашен терен, но португалската екипа секогаш знае да ги изненади фаворитите.
Дуелот на Пепе и Роналдо во центарот на вниманието
Скоро две децении откако Кристијано Роналдо ја напушти својата татковина, рекордерот на Португалија не покажува знаци на стареење, на пад во формата. Сепак, поранешниот играч на Спортинг доживеа само една победа од вкупно шест средби против Порто во неговата долга и богата кариера – постигнувајќи само еден гол против оваа екипа. Тоа е веројатно најлошиот биланс на Роналдо против било која екипа, а тоа пак само по себе ќе биде мотивација за него.
Роналдо целосно е посветен да го зголеми својот блескав личен рекорд со шестата европска круна оваа сезона, а во среда ќе се сретне со долгогодишниот соиграч и голем пријател со кого сподели голем дел од тој успех – Пепе.
Дефанзивецот на Порто, се уште го нарекува „најдобриот играч на светот“, откако Реал Мадрид доминираше во Европа во последната деценија, а исто така освојувајќи го трофејот на ЕУРО 2016 заедно со Роналдо. Но за разлика од тоа, сега тој ќе има задача да го запре својот стар пријател на Драгао. Токму овој дуел помеѓу овие двајца фудбалери е во центарот на вниманието на португалската, но и на целокупната фудбалска јавност. Ќе има борба, ќе се игра без респект, а Пепе многу добро знае што е потребно за да се сопре Роналдо.
Јуве заостанува во Серија А, но сака титула во ЛШ
Јуве нема добра сезона во Италија, каде се под закана дека конечно по една деценија ќе бидат симнати од тронот на Серија А. Во моментов се четврти во Серија А, со осум бода помалку од Интер, но и со еден меч помалку од моменталниот лидер. Во овој меч ќе влезат по поразот од Наполи на гости минатиот викенд, но победата над Барселона со 0:3 на „Камп Ноу“ во последниот настап во Лигата на шампионите беше нивна четврта победа во низа во групата.
Можеби изненадувачки, не е Роналдо, туку Алваро Мората (со шест гола) се наоѓа на врвот на топ-листата на Лигите на шампионите по бројот на голови. Во услови на постојани проблеми со Паоло Дибала Роналдо и Мората ќе бидат најголема закана кон голот на Порто. За очекување е дека Пирло ќе излезе со една подефанзивна средина и со само еден од крилните фудбалери – Колушевски или Киеза. Според тоа, веројатно Роналдо ќе биде врската помеѓу средниот ред и Мората. Пирло нема да може да смета на Квардадо, Бонучи и Артур, но постои веројатност дека Дибала ќе се најде на клупата за овој меч.
Порто нема примено гол сезонава во ЛШ на домашен терен
Порто нема примено гол на домашен терен во Лигата на шампионите оваа сезона. Цели 467 минути е рекордот на Пепе и компанија кој имаат за цел да продолжат со тоа темпо.
Победувајќи го својот последен натпревар од групната фаза на гости кај Олимпијакос, „Змејовите“ ја продолжија својата европска серија без пораз на пет меча, во 24-та сезона на клубот во Лигата на шампионите – помалку само од Реал Мадрид и Барселона.
Порто заврши на второто место зад Манчестер Сити во групата Ц, освојувајќи четири од нивните шест натпревари и четврти пат по ред се пласираа во нокаут фазата.
Сепак, моментално тимот е зафатен во голем метеж на врвот на португалската лига, откако тимот на Серхио Консеисао не успеа да победи во последните четири натпревари. Тоа претставува голем проблем за нивните високи стандарди, па нивниот тренер е под притисок да ја сврти работата во своја полза со победа против Старата дама – или во најмала рака да обезбеди нерешено без голови.
Неговиот тим моментално е втор со 10 бода помалку од Спортинг, а се обидува да ја задржи шампионската титула откако ја освои 29-та домашна круна минатата сезона.
Be the first to comment