Севиља во среда вечерта ќе се сретне со Борусија Дортмунд во првиот натпревар од нокаут рундата во осминафиналето од Лигата на шампионите на стадионот „Рамон Санчез Писхуан“.
Двата клуба се немаат сретнато уште од групната фаза во Лигата на Европа во сезоната 2009-10, а сега и двете екипи имаат за цел да стигнат што подалеку во Европа сезонава.
Севиља со девет победи по ред без примен гол
Севиља се наоѓа во извонредна форма и навистина е жалосно што оваа форма стигна доцна сезонава, со оглед на тоа што екипата имаше лош старт. Сега, Севиља победи во последните девет натпревари во сите натпреварувања и прими само еден гол во цела таа низа.
По освојувањето на Лигата на Европа по рекорден шести пат минатата сезона, примарните цели на Лопетеги се пласман во полуфиналето во Лигата на шампионите и да се пласира во најдобрите четири во Ла Лига.
Навистина, победата во саботата над Хуеска од 1:0 отвори разлика од седум бода помеѓу нив и петтопласираниот Реал Сосиедад, па Лопетеги е слободен да ја насочи цела енергија кон Дортмунд.
Со оглед на нивната феноменална колективна одбранбена сила во последно време и проблемите во кој се најде Дортмунд, Севилја има големи шанси да стигне до четврт-финалето на Лигата на шампионите само по втор пат во нивната историја.
Дортмунд лош во Бундес, но одличен во ЛШ сезонава
Дортмунд, победи во ова натпреварување во 1997 година и стигна до финалето неодамна во 2013 година, но нивните изгледи за повторување на кој било од овие подвизи изгледаат речиси невозможни.
Сезонава е навистина тешка за тимот. По лошите резултати тимот го отпушти Лусиен Фавр во декември и привремено го замени со Един Терзиќ. Сезонава како да е е загубена за тимот кој во понеделникот потврди дека следната сезона ќе ги води Марко Роуз.
За разлика од Севилја, нивното место на табелата во Бундеслигата не им гарантина Лига на Шампиони следната сезона. Тие се на 6-то место со шест бода помалку од четвртиот Волфсбург. Формата им е лоша и на последните шест меча во лигата имаат само една победа, две ремија и три порази. Во овој меч влегуваат по тешко освоениот бод на домашен терен против Хофенхајм со кого одиграа 2:2.
Сепак, не треба да се заборави тоа што Дортмунд беше на првото место во својата група во Лигата на Шампиони пред Лацио, Бриж и Зенит и з аразлика од домашната лига, во Европа играа одлично.
Освен тоа, во Ерлинг Халанд имаат играч кој може да реши натпревар во секој момент. Норвешкиот напаѓач постигна шест гола на четири натпревари во оваа натпреварувачка сезона и ќе биде решен да го докаже својот статус “Златното момче”.
Be the first to comment