Жозе Мурињо и Томас Тухел за прв пат се соочуваат меѓу себе. Битката во Северен Лондон привлеку огромно внимание на островот. Моќниците планираа атак на титулата оваа сезона во Премиер Лигата, но и Спарс и Челси сега се фокусирани на пласман во Топ 4 на крајот од сезоната.
Седмопласираните Спарс кои имаат натпревар помалку од осмопласираниот Челзи има 33 бода, исто колку и Челзи.
Тешко на Тотенхем без Кејн
Повредата на незаменливиот Хари Кејн би го попречило речиси секој тим на планетата во моментов, но дури и најстраствените навивачи на Тотенхем тешко можеа да замислат дека и во таква ситуација нивната екипа е поништена од тимот на Брајтон.
Брајтон славеше со 1:0, во меч во кој Тотенхем беше надигран. Тоа пак беше втор пораз во низа за Спарси кој предходно загубија и од Ливерпул на домашен терен со 1:3.
Доминантните победи во ФА купот над Марин и Викомб Вандерерс беа добредојдени за Тотенхем. И додека тие имаат закажано финале во Купот на ЕФЛ со Манчестер Сити во април, тимот на Мурињо има задача да игра на високо ниво во шампионато и да игра во елиминациските натпревари во Лигата на Европа.
Мурињо си руши негативни индивидуални рекорди
На индивидуално ниво, Мурињо може да постави неколку несакани рекорди со помалку задоволителен резултат оваа недела. Португалскиот шеф никогаш не загубил последователни три натпревари на домашен терен во Премиерлигата, и бидејќи не успеал да дојде до победа против Челзи во последните шест обиди, тоа би можело да одговара на неговата најдолга серија досега без победа против еден тим – седум меча против Барселона од април 2011 до јануари 2012 година .
Тухел го симна притисокот од фудбалерите на Челзи
На денот кога неговиот поранешен тим ПСЖ загуби за прв пат под водство на Маурисио Покетино, Тухел ја оствари својата прва победа во Челзи, славејќи над Барнли на Стемфорд Бриџ со 2:0.
Со напаѓачкиот контингент на „сините“, головите сепак дојдоа од бековите Цезар Аспиликуета и Маркос Алонсо. Овој вториот се чинеше дека ја завршува својата одисеа во Челзи, но со доаѓањето на Тухел доби место во тимот и му врати на најдобар можен начин, со одличен волеј за 2:0.
За време на ерата на Френк Лампард, Рис Џејмс и Бен Чилвел честопати беа во првиот тим, но на младите Англичани сигурно ќе треба да работат многу повеќе ако сакаат да ги иселат старите момчиња во тимот како Аспиликуета и Алонсо, кои веднаш ја возвратија вербата што ја покажа харизматичниот Тухел во нив.
Тухел најави дека ќе си ја работи својата работа и воопшто не стравува дека нема да заврши во Топ 4 екипите на крајот, а тоа веројатно го симна притисокот и од неговите фудбалери кои сега порастеретени треба да вратат со победи на зелениот терен.
Be the first to comment