ПСЖ е домаќин на Манчестер Јунајтед во еден од најинтересните натпревари од првото коло во Лигата на Шампиони. Домаќинот има проблеми со повредени фудбалери, но и со тоа е повторно голем фаворит за победа против тимот на Солскер.
ПСЖ со проблеми, во Јунајтед деби очекува Кавани
ПСЖ се оочува со големи проблеми пред стартот на натпреварите во Лигата на Шампиони. Тило Кехрер, Марко Верати, Мауро Икарди, Маркоњос, Передес, Бернат, Дрекслер и Переира ќе го пропуштат мечот со Манчестер Јунајтед. Не дека ПСЖ нема достојни замени за поголемиот дел од овие фудбалери, но Тухел немаше широк ростер за да ја сочува свежината, на кој особено се надеваше оваа сезона. Нејмар сепак беше одморен во победата на ПСЖ од 0:4 кај Ним во текот на викендот, односно во петокот. Тоа значи дека Мбапе и Нејмар ќе му создаваат големи проблеми на Де Геа. Тухел знае со каква одбрана ќе игра, но прашањето е со кој ќе стартува во средината кад еима најголеми проблеми.
Кај Манчестер Јунајтед, Единсон Кавани започна со тренинзи откако заврши со карантинскиот период. Тој веројатно ќе дебитира за „црвените ѓаволи“ и тоа токму во Париз, против неговиот поранешен клуб.
Јунајтед брзо се врати од шокот против Тотенхем
Онаа репрезентативна пауза се чини дојде во најдобро време за Солскер по катастрофалниот пораз од неверојатни 1:6 против Тотенхем, па Јунајтед веднаш по паузата се врати со комотна победа од 1:4 минатиов викенд против Њукасл. Одличен меч беше тоа за Манчестер Јунајтед кој беше надмоќен, без разлика што победникот го реши со голови на крајот од 86-та до 96-та минута. Добредојдена беше таа победа за Солскер, пред се за враќање на самодовербата пред ова тешко гостување во Франција.
ПСЖ сака второ финале по ред
Можеби на ПСЖ му беше полесно минатата сезона, имаа среќа па играа против Аталанта и Лајпциг во елиминациските дуели од Лигата на Шампиони, но факт е дека тие беа во можност да им парираат на фудбалерите на Баерн Минхен во голем дел од финалето, а тоа зборува многу за квалитетот што тие го поседуваат.
И Манчестер Јунајтед играше во елиминациските натпревари во Август, но во Лигата на Европа. Ги минаа Ласк и Копенхаген, но се сопнаа во полуфиналето против Севиља.
Ако се погледне моменталната форма на Јунајтед има малку нешта што сугерираат дека тие ќе можат да ги задржат Нејмар и Килијан Мбапе. Тимот на Томас Тухел игра импресивно и покрај проблемите, па на послендите пет меча забележа пет победи со импресивна гол разлика од 17:1. Тешко дека Солскер со Мегваер кој влага од кикс во кикс во одбраната, ќе може против ПСЖ на гости.
Be the first to comment