Валенсија е домаќин на Аталанта во реванш мечот од 1/16 финалето на Лигата на Шампиони. Аталанта има предност од 4:1 и треба да се случи чудо за Валенсија да ја стигне таа негатива, особено ако во предвид се земе формата на двете екипи.
Валенсија пред невозможна мисија
Валенсија има речиси неверојатна задача на домашен терен против Аталанта во Лигата на шампионите. На првиот натпревар Италијанците победија со 4:1 и на некој начин си ја завршија својата задача во 1/16 финалето. Сега Валенсија има потреба од победа од 3:0 или победа со маргина од четири гола, ако сака да оди во следната фаза.
Врз основа на сегашната форма, шансите за таков резултат изгледаат нереални. Валенсија победи само на еден од нивните последни седум натпревари (имаат две ремија и четири порази). За време на овој период тие испаднаа и од Копа дел Реј и моментно се наоѓаат на седмото место во Ла Лига, по нивното реми 1:1 со Алавес викендов. Но сепак, имаат само четири бода помалку од четвртиот и можеби Валенсија може да ја врати сезоната на добар пат ако целосно се посвети на домашниот шампионат.
Како да задачата на Валенсија не е доволно тешка, па тука е и одлуката натпреварот да се игра зад затворени врати без навивачи на трибините, како одговор на заканата од ширење на Коронавирус. Оваа одлука пред се беше донесена поради Аталанта, каде што болеста е распространета. Валенсија има и голем број на повредени фудбалери како Кристијано Пичини, Еликвим Мангала, Езекиел Гарај, Ману Валејо и Макси Гомез. Се на се, јас не гледам една предност за домашниот тим за овој меч.
Аталанта на седмо небо
Атгаланта ужива во сезоната, а особено во овој период. Во моментов Аталанта е четврта во Серија А и има голема шанса и следната сезона да игра во Лигата на шампионите. Аталанта имаше девет дена да се подготви за овој натпревар што е уште една позитивна работа за нив. Поради коронавирусот, нивните натпревари беа одложени во Серија А, па тие целосното внимание го посветија на овој меч. Последниот натпревар го одиграа на почетокот на март, на гостински терен кај Лече, каде славеа со неверојатни 2:7.
Ако тоа звучи како нешто чудно, тогаш размислете повторно. Ова беше трет пат Аталанта да постигне седум голови оваа сезона, откако победи со 7:1 против Удинезе на домашен терен во октомври и со 0:7 на гости кај Торино во јануари. Ниту еден тим во Италија не постигнал повеќе голови од Аталанта која до сега сезонава во Серија А има постигнато неверојатни 70 голови или 20 голови повеќе од лидерот во Серија А, Јувентус.
Гасперини има само два повредени фудбалери пред гостувањето во Валенсија. Централниот бек Берат Имсимзити и Рафаел Толои се надвор од стројот, но тоа не би требало да претставува поголем проблем за тимот.
Be the first to comment