Мали се шансите за пласман во топ-4 на табелата пред последното коло за Арсенал, но добро е тоа што го пречекува Евертон на стадионот Емирати, а Евертон си ја заврши работата минатото коло и веќе обезбеди опстанок.
Треба чудо за Арсенал да обезбеди Лига на Шампиони
Микел Артета призна дека настапот на Арсенал против Њукасл беше очаен и може да биде пресуден за нив сезонава. Арсенал загуби со 2:0 и речиси и да ги изгуби шансите за пласман во Лигата на Шампиони.
Знаејќи дека со победа на тој меч се ќе беше во нивни раце до последниот ден од сезоната, Арсенал беше надигран од Њукасл и сега атмосферата во екипата не ебаш на завидно ниво. Освен што мораат да слават победа, треба да очекуваат Тотенхем да не го победи веќе испаднатиот Норвич, а за такво нешто потребно им е чудо.
Притисоците и барањето на виновник во Арсенал веќе започна, а многумина укажуваат на недостиг од јануарски засилување на слабиот тим, по што само спектакуларен сплет на околности би го однел тимот на Артета во Лигата на шампионите за прв пат по шест години.
Поразот од Њукасл, исто така, ја продолжи низата на Арсенал на примени голови на девет натпревари по ред.
Евертон си ја заврши својата работа сезонава
Минатиот викенд, Евертон беше на погрешната страна од резултат 3:2 против Брентфорд и продолжи да се соочува со ризик од незамисливо испаѓање од првата лига. Но, во четвртокот вечерта тие одиграа брилијантен дуел.
Головите на Жан-Филип Матета и Џордан Ају донесоа водство на полувреме за Кристал Палас од 2:0, при што Евертон навидум требаше да биде вклучен во борбата за испаѓање до последниот дуел, но ниту домашната публика не можеше да го замисли прекрасното второ полувреме.
Головите на Мајкл Кин, Ричарлисон и Доминик Калверт-Луин предизвикаа воодушевувачки сцени околу сината половина на Мерсисајд – некои од нив отидоа предалеку и влегоа на теренот дури и пред крајот на мечот – но што е најважно, Евертон е безбеден.
Екипата на Френк Лампард сега може да заврши најмалку на 16-тото место и ќе ужива во мечот со Арсенал, особено со оглед на тоа што победуваа само два пати надвор од дома цела сезона.
Тимски новости: Арсенал
Томас Парти (непозната повреда) и Киеран Тиерни (Операција на коленото) се двајцата фудбалери на кои шефот на Арсенал, Микел Артета нема да може да смета на овој натпревар. Повреден е и Томијаши, но тој е можно да биде спремен за настап.
Се чини дека „топчиите“ ќе започнат со систем 4-2-3-1: Арон Рамсдејл; Седрик Соарес, Бен Вајт, Габриел, Нуно Таварес; Мохамед Елнени, Гранит Џака; Букајо Сака, Мартин Одегард, Емил Смит-Роу; Едвард Нкетија.
Тимски новости: Евертон
Тренерот на Евертон, Френк Лампард, има некои грижи поврзани за фитнесот пред овој меч, но откако Евертон си ја заврши задачата сега веќе нема сериозен проблем. На овој меч сигурно нема да играат Џери Мина (повреда на тетивата), Дони ван де Бик (проблеми со бутот), Ценк Тосун (повреда на бутниот мускул), Нејтан Патерсон (операција на глуждот), Андрос Таунсенд (повреда на вкрстените лигаменти) и Том Дејвис (повреда на коленото).
Можно е Лампард да даде шанса и на некои од своите помлади фудбалери, но тој ќе игра со формација 3-4-2-1: Џордан Пикфорд; Шејмус Колман, Мајкл Кин, Мејсон Холгејт; Алекс Ивоби, Абдулаје Дукур, Андре Гомеш, Витали Миколенко; Ентони Гордон, Ричарлисон; Калверт-Луин.
Очекување:
Арсенал има само теоретски шанси за пласман во Лигата на Шампиони, бидејќи зависи повеќе од други, отколку од себе. Сепак, веројатно тие ќе ја завршат својата задача и ќе слават победа, особено што Евертон сеуште слави по изборениот опстанок во минатото коло.
Be the first to comment