Еден од најинтересните натпревари во оваа фаза во фудбалската Лига на Шампиони е дуелот Атлетико Мадрид – Јувентус. Особено интересен но и неизвесен се очекува да биде првиот меч во Мадрид, во кој иако е гостин, Јуве има мала предност.
Атлетико уште жали за ремито со Бриж
Неуспехот на Атлетико Мадрид да го совлада Клуб Бриж на последниот натпревар од групната фаза од денешна гледна точка изгледа уште по болно. Доколку Атлетико славеше на тој меч, ќе беше прв во групата и ќе го избегнеше Јувентус во оваа фаза од Лигата на Шампиони. Тие завршија втори поради полошата гол разлика од Борусија Дортмунд и налетаа на италијанскиот гигант. Од тој момент финалето кое ќе се игра токму на стадионот на Атлетико, Ванда Метрополитано изгледа многу подалеку. А токму финалето на домашен терен беше главната цел сезонава на тимот на Симеоне.
Тимот на Симеоне игра многу променливо
Неделава ќе биде можеби клучна за нив оваа сезона. Тие се наоѓаат на второто место во Ла Лига веднаш зад Барселона. Но Реал полека но сигурно се доближува до нив. За разлика од минатите сезони, оваа Атлетико бодовите ги освојуваше против помалите екипи. Во дербијата изгледаше лошо на терен и губеше. Освен тоа тие испаднаа од Копа дел Реј каде беа елиминирани од Гирона. Едиснтвен плус овој период за тимот е победата над Рајо Ваљакано минатиот викенд на гости со 0:1, ако се знае дека имаа два порази во серија од кој еден од Реал Мадрид на домашен терен со 1:3.
Атлетико е премногу зависен од Гриезман
Одбраната – главниот столб во ерата на Диего Симеоне останува во голема мера цврста и покрај тоа што Лукас Хернандез е надвор од стројот и нема да настапи ниту на овој меч. Но нападот е премногу зависен од Антоан Гриезман и тоа во моментов е голем проблем за Симеоне. Диего Коста веќе подолго време се бори со својата форма, но и со фитнесот. Всушност, Симеоне поради тоа најверојатно ќе се одлучи да стартува со Гриезман и со новото засилување Алваро Мората. Но тој сеуште се навикнува на Атлетико Мадрид. Но Мората добро ги познава поголемиот дел од фудбалерите на Јуве. Тој пред три сезони играше и освојуваше титули со Јувентус. Дефинитивно ќе ги посоветува своите соиграчи како да се справат со италијанците, а може да му помогне на Симеоне во скројување на тактиката.
Јувентус е целосно фокусиран на европската задача
Со убава предност од 13 поени на врвот на Серија А, Јувентус ослободен од притисокот подолго време од Атлетико се спремаше за овој дуел. Тие беа далеку од беспрекорни во текот на последниот месец. Аталанта ги декласираше во Купот на Италија со 3:0, а Парма извлече 3:3. Но Лигата на шампионите е очигледно приоритет за Макс Алегри во овој период. Затоа се очекува неговите фудбалери многу пофокусирани да излезат на терен во главниот град на Шпанија.
Алегри во последниве пет години паѓа на последната пречка во европската елита и ќе биде очаен да го обезбеди овој европски трофеј. Одличните игри на Кристијано Роналдо ќе ги зголеми шансите на Јуве во натпреварите како овој, а последните две недели донесоа позитивни вести за тимот. Марио Манџукиќ повторно се вклопува, а Џорџо Киелини и Леонардо Бонучи повторно изгледаат како вистински бедем пред голот.
Јуве со мала предност
Атлетико има завиден домашен рекорд во Лигата на шампионите. Тие изгубија само три од 38 натпревари на свој терен. Сепак, на овој дуел букмејкерите не им дадоа предност па коефициентот за победа и на двете екипи е израмнет, околу 2.90. За нерешено пак, коефициентот се движи околу 3.00.
Има добри причини за ова. Фудбалерите на Атлетико играат тешко во последно време, нивните единствени победи во 2019 година се против Леванте, Хуеска, Гетафе и Рајо. Тие ќе ја имаат нивната препознатлива решителност, но недостигот на инспирација може лесно да биде казнет, особено доколку Јуве добро го затвори Гриезман.
Од друга страна, Јуве е способен за да слави и на гости со Роналдо во офанзива и со Киелини и Бонучи во дефанзива.
Наш предлог:
Be the first to comment