Денес на програмата во Премиер лигата е големото дерби помеѓу Челзи и Ливерпул кои само пред три дена играа во рамките на Лига купот, а тогаш „сините“ успеаа да ги нокаутираат „црвените“ на домашен терен.
Сари го препороди Челзи
Челзи оваа сезона е како препороден и воопшто не наликува на тимот од минатата сезона. Под водство на Маурицио Сари тимот запиша пет победи во првите шест меча, игра одличен фудбал и го елиминира Ливерпул од Лига купот. По се изгледа дека „сините“ оваа сезона ќе бидат кандидати за титулата, што е огромен напредок од минатата сезона кога не изборија пласман во Лигата на шампиони.
Новата аквизиција Жоржињо покажа зошто беше толку баран и веднаш се наметна како еден од најдобрите плејмејкери во лигата и клучен играч во формацијата на Сари. Заедно со него Канте и Ковачиќ формираат фантастично трио во средниот ред кое прави нападот да функционира одлично. Сари нема големи проблеми со повредени играчи, надвор од тимот е Педро, но под знак прашанил е и настапот на Рудигер.
Ливерпул после одличниот старт ја „сонува“ титулата
Ливерпул е единствениот клуб во Премиер лигата кој има максимален број на бодови. „Црвените“ запишаа шест победи во првите шест кола и се наметнаа како главен кандидат за титулата оваа сезона. Јирген Клоп конечно склопи тим по свој вкус кој одлично функционира и за разлика од претходните години не прима лесно голови.
Ливерпул во средата во Лига купот излезе со комбиниран состав, па Клоп сигурно ќе има посилно оружје за овој меч. Меѓутоа, традицијата е против него бидејќи Ливерпул има само две победи на последните 14 меча против тимот од „Стенфорд Бриџ“.
Веројатни состави:
Челзи: Кепа – Аспиликуета, Давид Луис, Кејхил, Алонсо – Ковачиќ, Жоржињо, Канте – Азар, Вилијан, Жиру.
Ливерпул: Алисон – Робертсон, Ван Дијк, Гомес, Арнолд – Милнер, Хендерсон, Вајналдум – Мане, Салах, Фирмињо.
Според букмејкерите треба да очекуаме израмнет меч, па така според Coinbet24 коефициентот за победа на Челзи изнесува 2.70 за реми 3.40 додека за победа на „црвенте“ коефициентот е 2.58.
Предлог тип
Be the first to comment