По само 11 натпревари од сезоната во Премиер Лига, клубовите од “големата шестка” го најдоа својот пат до врвот на табелата. Вниманието сега се свртува кон тоа кој ќе заврши на првите четири позиции и кои две екипи ќе ја пропуштат Лигата на шампиони следната сезона.
Последната репрезентативна пауза за оваа година заврши и со тоа доаѓа веројатно најважниот период од сезоната во Премиер Лигата. Четирите месеци од средината на ноември до следната пауза во март, кој го вклучува и бурниот празничен период ќе го даде одговорот на прашањето кој ќе игра во Лигата на Шампиони. По 11 натпревари, табелата во Премиер Лига почнува да се оформува. Некои сметаат дека во топ-4 ќе завршат екипите кој сега се на тие позиции: Сити и Јунајтед, Тотенхем и Челзи.
Сити секако ќе биде во Топ 4, но Јунајтед изгледа попривлечен за обложувачите
Манчестер Сити ја предводи табелата и веќе има неверојатни 12 поени предност од Ливерпул на петтото место. Тие се и главни фаворити за титулата и тоа со коефициент од 1.22. Затоа нивниот пласман на првите 4 позиции на табелата е сигурен и околу тоа нема што премногу да се филозофира.
Освен тоа, коефициентот за тоа дека Сити ќе заврши во Топ 4 сега е само 1.01. Затоа повеќе ќе се насочиме кон нивниот гратски ривал Манчестер Јунајтед. Јунајтед беше еден од главните фаворити за титулата минатата година. Но завршија само на шестата позиција откако Жозе Мурињо го фокусираше своето внимание на Лигата на Европа, наместо да се стреми да обезбеди место во европскиот елитен клубски фудбал преку лигата. По трансфер периодот летово со големи инвестиции и ангажманот на Ромелу Лукаку и Неманја Матиќ, Јунајтед сега одат на трофејот. Затоа во најмала рака се очекува да ги нападнат местата кои водат во Лигата на шампионите.
Тие примија помалку голови (5) од било кој друг тим во Премиер лига оваа сезона и освоија 23 поени од можни 33 поени. За пласман на Јунајтед во Топ 4 коефициентот е 1.30, што иако не е најпрофитабилен, секако е привлечен. Единствената лоша работа е долготрајниот сомнеж околу иднината на Мурињо на Олд Трафорд. Португалскиот шеф беше поврзан со шпекулација за напуштање на Манчестер Јунајтед, при што се спомнуваше ПСЖ за негов нареден клуб. Тоа сепак не би требало да влијае на формата на клубот и нивните амбиции, но никогаш не се знае.
Тотенхем во следниот период ќе се фокусира само на Премиер Лигата
Тотенхем има ист број на бодови како и Јунајтед, но има малку подобар коефициент за пласман во Топ 4 и тоа 1,34. Спарс сеуште неможе да се навикне да ги игра домашните дуели на Вембли и тоа е голем проблем за оваа екипа. Од друга страна пак тоа е голема потврда дека тимот на Покетино е одличен. Веројатно Тотенхем да играше на својот Вајт Рарт Лејн ќе се бореше за титулата многу подолг период со Сити. Освен тоа, по победата од 3:1 над Реал Мадрид, Тотенхем веќе обезбеди место во следната рунда на Лигата на шампионите. Сега тие може да го фокусираат своето внимание само во Премиер Лига.
Исто така, тимот од северниот дел на Лондон одигра доста тешки дуели досега. Сега на ред е меч против Арсенал, но после тоа тие имаат релативно лесен распоред, пред нивното гостување кај Манчестер Сити. Ако сакате да одиграте дека Спарс ќе бидат во Топ 4 на крајот на сезоната, тогаш советот е да го направиш тоа сега. Според распоредот коефициентот за такво нешто после Нова година ќе биде значително помал.
Челзи со доста привлечен коефициент за пласман во Топ 4
Челзи е последната екипа која се наоѓа во Топ 4 во моментов. Тие играат доста променливо сезонава. Во еден момент врзаа и два порази во низа, но не паднаа на психолошки план и брзо се вратија на победите. Во Минатото коло славеа над Манчестер Јунајтед и тогаш стана јасно дека поразите се можеби минато за тимот на Конте.
До јануари, тие ќе се соочат со само еден од топ шестте тима од минатата сезона, само на гости со Ливерпул овој месец. Таквиот поволен распоред значи дека коефициентот од 1,54 во моментов е доста примамлив за обложувачите.
Тоа не е се. Челзи се борат и во Лигата на шампионите оваа сезона и имаа дополнителен притисок. Меѓутоа, Антонио Конте има освоено седум поени од можните 12 во четири натпревари во Лигата на шампионите. Тоа укажува дека тие се прилагодуваат соодветно на дополнителните натпревари кои дојдоа по нивното враќање во европските натпреварувања.
Ливерпул изгледа подобар за облог од Арсенал
Челзи има предност од само три бода во однос на Ливерпул и Арсенал, односно од екипите со кои се претпоставува дека ќе биде битка за пласман во Лигата на Шампиони.
Црвените сега се засилени со враќањето на Садио Мане по повредата. Сенегалскиот напаѓач беше веднаш влијателен во победата од 1:4 во Вест Хем, иако сеуште не е заздравен во целост. Со неговото враќање, Ливерпул сигурно ќе се врати на победнички патеки. Сепак, одбраната на Црвените сеуште бара подобрување, бидејќи досега прими дури 17 гола што е неприфатливо за екипа која сака да игра следната сезона во европската елита. Доколку сака втора сезона по ред да игра во Лигата на Шампиони ќе мора го подобри тој дел на тимот. Само Ватфорд кој е на 9-то место прими повеќе голови од Ливерпул од сите тимови од горниот дел на табелата. Во секој случај со коефициент од 2.10 за пласман во Топ 4, Ливерпул привлекува голем интерес кај обложувачите.
Заокружување на екипите кои ќе се борат за пласман во Лигата на Шампиони завршува со Арсенал, кој има ист број на поени со Ливерпул. Сепак, Топџиите до крајот на годинава ќе се соочат со Манчестер Јунајтед, Тотенхем и Ливерпул во тешкиот распоред на натпревари. Можеби овој тим има најмалку шанси од овие шест екипи да се пласира во Топ 4, но коефициентот од 3.20 за такво нешто е вреден за размислување.
1 Trackback / Pingback