Стигнавме до големото финале на Купот на Африкански Нации. Во големото финале во главниот град на Египет, Каиро, ќе играат Алжир – Сенегал. Ова за многумина пред турнирот не беше очекувано финале, но ние финалето го најавивме уште во анализата пред почетокот на турнирот.
Оние кои не послушаа, се блиску до добра заработка
Можеме слободно да кажеме дека ние бевме едни од ретките предвидувачи што смело го предложивме Алжир како главен фаворит за трофејот. Но наш втор фаворит беше токму Сенегал. Многумина не веруваа во селекцијата на Алжир, но тие релативно лесно си обезбедија финале. Во секоја смисла на зборот, тие досега имаат одличен шампионат. Селекцијата на Џамел Белмади не беше меѓу фаворитите според букмејкерите кои и доделија коефициент 14.00 за освојување на трофејот. Според тоа, оние кои не послушаа се многу блиску до добра заработка.
Тие се потценети и за ова финале и за нив коефициентот е околу 2.90. Но букмејкерите како да се предомислуваат, па коефициентот е во постојано опаѓање. Ништо чудно пред почетокот на дуелот, Алжир да прерасне дури и во фаворит, секако ако продолжи оваа тенденција на паѓање на коефициентот. И повторно ние би го избрале Алжир пред Сенегал. Ако ги следевте нашите анализи пред почетокот на турнирот, но и подоцна за натпреварите на Алжир, тогаш јасно е во кого веруваме во овој меч. Не дека Сенегал е послаб, но коцките се наместени на страната на Алжир. Коефициентот за победа на Сенегал на овој меч е околу 2.70, но тој пред неколку дена беше 2.50.
Сенегал со најдобра одбрана, но овој пат без Кулибали
Сенегал одигра неверојатно добро во одбраната. Тие на турнирот во 570 минути игра примија само еден гол што е рекорд за почит. Кулибали е вистински бедем пред голманот Гомис кој искрено и немаше премногу работа на турнирот. Но тука е проблемот. Нивните шанси за запирање на офанзивците на Алжир се намалуваат со фактот што ѕвездата Кулибали е суспендирана. Друга загриженост за Сенегал е тоа што единствениот тим што постигна гол против нив на турнирот е токму Алжир кој победи со 1:0 во рамки на групата Ц на 27-ми јуни.
Проблем може да биде и офанзивата. Само на два натпревари Сенегал постигна повеќе од еден гол, а одигра шест натпревари досега. Имаше иницијатива, создаваше шанси но реализацијата им е на ниско ниво. Цисе, мора да поработи повеќе на концентрацијата во завршните моменти кај своите напаѓачи доколку сака титула.
Е сега, интересно е тоа што од друга страна Лавовите од Теранга можат слободно да се пофалат со најдобра и најсмртоносна офанзивна линија, подобра од било кој друг тим во Африка. Ако Египет го има Салах, Сенегал го има Садио Мане, кој за разлика од неговиот клубски колега има далеку посилни колеги во репрезентацијата. Со него во офанзивата е дуото од Франција, Исмаила Сар и Мбај Нијанг.
Играчите на Белмади имаат психолошка предност
Онаа победа во групната фаза против Сенегал може да му даде на Алжир психолошка предност што е од големо значење за еден финален натпревар. Но тоа е само едена од неколкуте предности кои го истакнаа статусот на Алжир како најдобар тим на турнирот. Екипата на Џамел Белмади беше извонредна од самиот почеток: тие ја освоија групата Ц во голем стил, пред да прикажат супер изведби во нокаут фазата.
Има одличен баланс и квалитет низ сите линии во Алжир, но нивната најсилна алка е нивниот напад, кој е најдобар на турнирот. Алжир постигна 12 гола во шест натпревари (Сенегал постигна само осум) и имаше повеќе разновидност, квалитет и класа во последната третина од мечевите од кој било друг тим. Во разни периоди, Ријад Марез, Јуче Белаили и Адам Оунас се одлични.
Со оглед на тоа што Алжир победи со 1:0, кога екипите првпат се сретнаа на турнирот и со оглед на тоа што Алжир беше надмоќен на теренот и на тој меч и во текот на изминатиот месец во Египет, изненадување е аутсајдерската улога која ја доби Алжир.
Наш предлог:
Be the first to comment