Борусија Дортмунд – Шалке, големото Ривиер дерби кое сезонава и не е така големо ако се погледне табелата. Сепак, историјата, традицијата, ривалитетот и останатото е доволна причина за погледите да бидат насочени кон овој натпревар. Дормтунд е во мртва трка со Баерн Минхен за шампионскиот трофеј и заостанува со само еден бод. Шалке пак се бори за опстанок и е само шест бода над опасната зона.
Шалке е непрепознатлив сезонава
Минатиот април, во Гелзенкирхен, Шалке ги победи своите големи ривали Борусија Дортмунд со 2:0. Конопјанка тогаш го постигна првиот гол, а во еден момент кој ќе живее долго во историјата на Ревиер дербито бразилскиот централен бек Налдо испрати вистинска ракета од слободен удар за конечни 2:0. Откако се упати кон Нордкурве, тренерот на Шалке Доменико Тедеско го презеде мегафонот на ултрасите и весело ја водеше прославата по натпреварот. Шалке беа кралеви на Ревиер, а таа победа им го донесе второто место на табелата на крајот од сезоната. Дортмунд едвај успеа да обезбеди четврто место и пласман во Лигата на Шампиони, а навивачите највеќе го критикуваа токму мечот и поразот од Шалке.
Од еуфорија до очај
Сепак, еуфоријата и радоста не се вечни, а животот поминува брзо. Нешто повеќе од една година подоцна, Шалке е непрепознатлив и скршен. Тедеско, светлата млада тренерска надеж на германскиот фудбал е отфрлен, откако доби заслужен отказ од Шалке. Налдо замина за Монако, Конопјанка е далеку од својата најдобра форма, а спортскиот директор Кристијан Хајдел си замина на достоинствен начин.
Шалке се наоѓа само шест бода над зоната за испаѓање, а тие беа понижени од Манчестер Сити во 1/16 финалето од Лигата на шампионите ( порази од 2:3 и 7:0 ). Тренерот Хубу Стивенс се врати во тимот но само поради чувство на должност, но и тој не успева да ја исправи ситуацијата. Тој беше целосно насочен кон дефанзивата, но Шалке на последните три меча прими дури осум голови. Шалке прими неверојатни 32 гола во последните 11 натпревари во сите натпреварувања.
Во Дортмунд ситуацијата е спротивна на онаа во Шалке
Спротивно на драматичниот пад на Шалке за една година, се случува извонреден пораст на Борусија Дортмунд. Минатата сезона тие беа најблаго кажано збунети, па дури и во хаос. Некако ја извадија сезоната со пласманот во Лигата на Шампиони, но одличниот пристап на холандскиот тренер Питер Бош даде резултат оваа сезона. Питер Стогер едвај го влечеше тимот во трката за првите четири места. Клубот сакал да го ангажира Лусиен Фавр пред да го донесе Бош и не погреши со неговиот ангажман. Бош создаде неверојатна хомогеност во тимот. Атмосферата е на огромно ниво, па дури германските медиуми пишуваат дека фудбалерите едвај чекаат да дојдат на тренинг. Сега тимот е една голема фамилија, а тоа е главната причина за одличната сезона на Борусија Дортмунд.
Ројс и компанија се незапирливи сезонава
БВБ одиграа доста возбудливи натпревари сезонава. Капитенот Марко Ројс се наоѓа во животна форма и досега постигна 16 голови во Бундеслигата, на кои придодаде и осум асистенции. Тој е движечката сила на тимот, но има огромна помош од соиграчите. Младиот англичанец Санчо е откритие на сезоната, не само во Бундеслигата, туку и во Европа. Тој сезонава веќе постигна 11 гола и има неверојатни 13 асистенции. Тука е и Пако Алкарер кој е прв стрелец на тимот со 17 гола, а Марио Геце по безбројните повреди си ја врати старата форма и има 5 гола и 7 асистенции. Аксел Витсел и Томас Делани додадоа цврстина и една нова класа во средниот ред, а голманот Роман Бурки ги замолчи своите критичари со низа неверојатни одбрани.
Наш предлог:
Победа на Борусија Дортмунд @ 1.36 во 1хBet
Be the first to comment