Во четврток на програмата во Купот на Африкански Нации ќе го следиме најголемото дерби во групната фаза, можеби и на целиот шампионат, Сенегал – Алжир. Двете селекции имаат еден куп ѕвезди во своите редови и двете селекции се меѓу главните фаворити за трофејот на турнирот. Јасно е дека не очекува еден крајно неизвесен и интересен меч, кои вистинските љубители на фудбалот не смеат да го пропуштат.
Најголемо дерби, дуел на две селекции со еден куп ѕвезди
Сенегал според ФИФА ранг листата е најдобриот тим во Африка. Тие се 22-ри на ФИФА ранг листата. Од таа гледна точка јасно е зошто тие се втори фаворити на натпреварувањето според букмејкерите. Јас целосно се сложувам со тоа, но за мене прв фаворит на овој турнирт е Алжир, а за букмејкерите прв фаворит е Египет. Од таа гледна точка ова е како финале пред финалето. Дуел на две селекции со еден куп ѕвезди во своите редови и дуел на две селекции кои дојдоа по трофејот во Египет. Тешко е да се најде друга селекција во Африка покрај овие две со толку голем квалитет и со фудбалери кои играат во најдобрите европски лиги. Ова сигурно е најголемото дерби во групната фаза, а веројатно и на целиот шампионат. Немојте да се изненадите ако овие две селекции се сретнат уште еднаш на овој турнир и тоа во финалето.
Двете селекции победија на отварањето со идентични 2:0. Но и се штедеа, затоа што се свесни за тежината на овој меч. Ова е дуел кои би требало да го даде лидерот во оваа група, а лидерот ќе има полесен пат до финалето на Купот на Африкански Нации.
Сенегал има најсмртоносна офанзивна линија на турнирот
Сенегал дојде на турнирот со одлични шест победи во пријателски натпревари и квалификациите од октомври минатата година. Лавовите од Теранга можат слободно да се пофалат со најдобра и најсмртоносна офанзивна линија, подобра од било кој друг тим во Африка. Ако Египет го има Салах, Сенегал го има Садио Мане, кој за разлика од неговиот клубски колега има далеку посилни колеги во репрезентацијата. Со него во офанзивата е дуото од Франција, Исмаила Сар и Мбај Нијанг, кој ќе бидат страв и трепет за противничките дефанзивци.
Освен нападот, Сенегал може да се пофали и со одличен среден ред. Тие имаат неверојатна цврстина со фудбалери прекалени низ фудбалска Европа и тоа во најсилните фудбалски лиги како Премиер Лига, Ла Лига и сл. Кулибали пак додава сигурност во одбраната, со што само го комплетира одличниот ростер на фудбалери кои ги предводи домашниот селектор Цисе.
Сенегал победи против Танзанија, но и одмараше
Сенегал против Танзанија во првиот меч од турнирот беше супериорен во секој поглед. Имаат посед на топка, го диктираа темпото во текот на сите 90 минути и имаа еден куп шанси за гол. Победија со 2:0, а можеа да победат и многу поубедливо. Во второто полувреме веројатно свесно се штедеа и не префрлија во поголема брзина. Но тоа беше и очекувано затоа што овој меч е најважен за нив околу битката за првата позиција на табелата. Двата гола на тој меч ги постигнаа фудбалери од средниот ред, на што може да се гледа од две насоки. Добро е кога средниот ред постигнува голови, но пак не е добро кога нападот не функционира. Нианг и Сар промашија неколку добри шанси за гол, но Сенегал има уште напаѓачи. Нивните промашувања не би требало да претставуваат проблем кога средината функционира беспрекорно.
Алжир со еден куп ѕвезди во својот тим, но без никаков успех
Според имињата на фудбалерите, Алжир има уште повеќе ѕвезди од Сенегал, можеби највеќе ѕвезди во Африка. Но за оваа селекција тоа не е доволно. Тимот не изгледа како што треба и знае да загуби дури и од најслабите во Африка. Можеби тоа е единствената причина што букмејкерите не веруваат во оваа репрезентација. Тие фаворитската улога на Купот на Африканските Нации им ја препуштија на Египет, Сенегал и Гана. Алжир и покрај тоа што има солиден тим не ја помина групната фаза од Купот на Африка во 2017 година и не успеа да се квалификуваат на минатогодишното Светско Првенство. Во анализата на ова натпреварување, јас напонемав дека е време оваа селекција да го оправда сиот потенцијал со кој располага. Тоа беше потврдено веќе на првиот меч против Кенија со победата од 2:0. Проблемот на Алжир е што во тимот имаат премногу солисти. Но конечно, играчите веројатно сфатија дека само со тимска игра и со напорна работа ќе имаат шанса да го исполнат својот потенцијал.
Состав со неверојатен талент кој треба да го покаже потенцијалот
Има многу талент во алжирските редови. Централниот напаѓач Аиса Манди и играчот од средниот ред Фегули, се наоѓаат во најдобрата фаза од нивните кариери. Десен бек Јучеф Атал беше еден од најдобрите играчи на неговата позиција во Лига 1 оваа сезона. Првотимецот на Порто, Јакин Брахими како и Бенталеб се неверојатни секогаш кога играат за селекцијата.
Ријад Марез ќе сака да ги надомести минатите разочарувања во дресот со националните бои. Багдад Бундеџа постигна девет гола во последните десет натпревари за Алжир. Тој е прв стрелец во Светот со постигнати неверојатни 39 гола на само 22 натпревари сезонава за Ал Сад од Катар. Тајното оружје на Алжир пак е Енди Делорт. Роден во Франција, тој изрази интерес да игра за Алжир во месец април и веднаш доби повик од селекторот. Тој е еден од најдобрите напаѓачи во Лига 1 оваа сезона и постигна 14 гола на кои додаде седум асистенции.
Делорт има потенцијал да биде сериозна закана ако биде во тандем со Бундеџа или пак ако биде негова замена. Тој е свеж бидејќи одигра смао неколку минути против Кенија и може да биде изненадување за Сенегал на овој меч.
Наш предлог:
Be the first to comment