Во денешниот ТИП НА ДЕНОТ, се решивме да го анализираме последниот меч од колото во англиската Премиер Лига. Откако и двете екипи доживеаа порази од 1:0 во нивните натпревари во средината на неделата, Вест Хем Јунајтед и Борнмаут ќе го заокружат колото во понеделник навечер на Лондон стадионот.
„Чеканите“ беа поразени од Ливерпул минатиот натпревар, додека серијата на „Црешите“ од шест меча без пораз под водство на Гери О’Нил заврши против Саутемптон.
Вест Хем мора подобро
Да не беа одбраните на Алисон Бекер, како што соодветно рече Јирген Клоп по натпреварот, Вест Хем можеше да извлече некој бод од Енфилд. Беа надиграни, но создадоа добри шанси на крајот и можеа да го свртат резултатот доколку имаа барем малку повеќе среќа.
Чеканите имаа високи амбиции пред стартот на сезоната но Дејвид Мојс никако н еможе да ја пронајде формулата за успех. Тимот игра солидно но тешко победува, па веќе Мојс не може да се вади на среќата. Тој има солиден тим на располагање кој би требало да се бори за излез во Европа, но моменталната ситуација не го наговестува тоа.
Само три победи и две ремија, наспроти шесте порази се очаен резултат за сите во тимот и веќе е вклучен црвениот аларм. Пред поразот од Ливерпул, Вест Хем влезе во серија од две победи и реми, но и тоа не ги задоволува навивачите на тимот кој бараат брзо искачување на табелата.
Бурнмаут покажа дека може против секого
Поразот од Саутемптон нема да ја поткопа одличната работа што О’Нил ја заврши на жешкото столче во Бурнмаут, но сепак поразот беше болен. Бурнмаут прими гол во 9-та минута, па во продолжение и покрај добрата игра не успеа да дојде барем до бод.
Со тој пораз нивната значајна серија од шест натпревари без пораз во Премиер лигата дојде до крајот.
Борнмаут е подобар за едно место и два бода од Вест Хем на табелата. Но за разлика од Вест Хем, оваа екипа се разигра и сега сака да го искористи моментумот и да освои што повеќе бодови пред паузата која ќе следува оваа зима.
По онаа катастрофа од 9:0 на „Енфилд“, Бурнемаут се препороди, но и понатаму игра многу послабо на гости каде има само една победа. Освен тоа, екипата прими неверојатни 18 гола на гости ( само Лестер има примено повеќе голови на гости сезонава – 19 ).
Тимски новости: Вест Хем
Повредата на Пакета е голем проблем за Мојс. Пакета не играше и против Ливерпул на последниот меч и тоа се осети на теренот.
Можен стартен состав на Вест Хем 4-4-2: Фабијански; Коуфал, Зума, Кехрер, Кресвел; Боуен, Рајс, Соучек, Форналс; Антонио, Скамака
Тимски новости: Борнмаут
О’Нил може да смета на целиот состав и има многу опции. Испроба неколку варијанти и тешко е да с епредвиди првиот тим.
Можен стартен состав на Борнмаут 4-4-2: Нето; Смит, Мепхам, Сенези, Фредерикс; Кристи, Кук, Лерма, Таверние; Билинг, Соланке
Очекување:
Мислам дека ќе следиме еден доста неизвесен натпревар. Вест Хем е фаворит, но оваа екипа ќе има крајно тешка задача. Борнмаут игра одлично и нивната форма е во нагорна линија и покажа дека може против секого. Сепак, мислам дека домаќинот ќе дојде до трите бода и предлагам ТИП 1.
Be the first to comment