На две кола до крајот на сезоната во втората лига на Австрија, Лустенау има два бода повеќе од ривалот за лидерската позиција и овој меч против Хорн на гости е од огромна важност за нив.
Хорн мора да победува до крајот на сезоната
Хорн мирно го чека крајот на сезоната во австриската втора фудбалска лига, но сепак се надева дека ќе може да им ги помати сметките а фаворитот за пласман во австриската Бундеслига – Австрија Лустеану.
Хорн славеше на предходниот натпревар и ја прекина серијата од три натпревари без победа. На тој натпревар со Инсбрук, екипата на Хорн имаше 43% посед на топка и 11 обиди за гол и според статистиката беше надигран од противникот. Сепак славеа победа од 2:3 со двата гола на Окан Јилмаз и Џулијан Клар.
Но ако се тргне настрана тој меч, Хорн има очигледни проблеми со офанзивата и на предходните шест натпревари постигнаа само пет гола, во кои ги сметаме и трите од предходниот дуел.
Австрија Лустенау во катастрофална серија
Австрија Лустенау влегува во овој натпревар по убедливата победа од 3:0 над Сент Полтен. На тој натпревар, Лустенау добро знаеше што сака. Од 9-та до 25-та минута беа постигнати сите три гола, а потоа Лустенау можеше да игра мирно и значително ги зачува силите за овој натпревар.
Екипата има два бода предност во однос на вториот тим на табелата Флоридсодорфер на два натпревари до крајот и навистина треба да се случи чудо за да не обезбедат пласманво најдобрата лига на Австрија. Веќе и после ова коло можат да го обезбедат првото место, доколку нивните конкуренти не слават победа, но без разлика на се – Лустенау мора да победи и не смее да пропушти ништо на случајноста.
Во текот на нивните последни шест натпревари, Австрија Лустенау постигна вкупно 14 гола и нема сомнеж дека ќе нападне од стартот на овој натпревар со Хорн.
Тимски новости: Хорн
Шефот на Хорн, Ролф Ландерл, може да биде среќен што нема никакви фитнес грижи пред овој натпревар, но тој на последните неколку средби им даде шанса и на некои млади фудбалери кои инаку не се изнаиграа премногу во текот на сезоната до сега. Единствено Александер Бридл поради суспензија нема право на настап на овој натпревар.
Тимски новости: Австрија Лустенау
Менаџерот на Австрија Лустенау, Маркус Мадер, треба да се справи со повеќе проблеми околу составот. Даниел Тиефенбах (проблем со вкрстените лигаменти) и Адриел (фрактура на клучната коска) не се подготвени за настап на овој натпревар. И додека првиот не се изнаигра многу сезонава, неиграњето на бразилецот Адриел во одбраната може да биде голем проблем за екипата.
Очекување:
Се е на страната на гостите, освен фактот што играат на гостински терен. Лустенау има далеку поквалитетен тим, се наоѓа во многу подобра форма и има огромни мотиви пред овој натпревар. Притисокот е на нивна страна, но тие се бркаат со Флоридсодорфер подолго време и се навикнаа да се носат со тој притисок. Очекувам гостинска победа.
Be the first to comment