Мидлзборо ќе биде домаќин на Хал Сити во сабота попладне, барајќи ги сите три бода за потенцијално да се врати на местата кои водат во плејофот во Чемпионшип.
Од друга страна, Хал патува на стадионот Риверсајд барајќи прекин на серијата од два порази во низа, но ако ништо друго оваа екипа е речиси сигурна во опстанокот во лигата.
Мидлзборо сака пласман во плејофот
По неверојатната серија од осум последователни победи на домашен терен во Чемпионшип, шефот на Мидлсборо, Крис Вајлдер, беше оптимист за освојување на барем еден поен против лидерот Фулам во средата навечер.
Сепак, доцниот гол со глава на Александар Митровиќ го осуди Боро на пораз од 0:1, што резултираше тимот на североистокот на Англија да испадне надвор од првите шест пред натпреварите викендов.
Боро се уште има натпревар помалку, а Вајлдер повторно е уверен дека ќе заработи место во плејофот до крајот на сезоната и покрај притисокот од останатите конкуренти.
Вајлдер изненадувачки донесе одлука да го отстрани Фоларин Балогун од стартната постава против Фулам и тоа откако позајмениопт фудбалер на Арсенал постигна три гола во претходните четири меча. На овој дуел, очигледно е дека тој ќе стартува од почетната минута.
Во однос на нивната дефанзивна линија, Боро е одличен. Има примено 41 гол сезонава што не е малку, но тие пред дуелот со Фулам имаа три меча во серија без примен гол.
Арваладзе се бори за својата работа
Што се однесува до Хал, тие влегуваат во последните шест натпревари од сезоната со 12 поени предност од екипите кои се во зоната за испаѓање.
Со оглед на сите работи, тоа веќе може да е доволно за да се гарантира нивниот статус во оваа лига, но Шота Арвеладзе очајно бара некои подобрени перформанси од неговата екипа за да ги убеди поддржувачите дека тој е вистинскиот човек да го одведе клубот кон успех следната сезона.
Сепак, Хал освои само 12 поени од 13 натпревари, со последователни порази на домашен терен од Лутон и Хадерсфилд, оставајќи им на газдите многу простор за размислување за негова смена.
Во секој случај, работата на Хал е речиси завршена и тие немаат притисок барем засега. Ќе им треба само уште некој бода до крајот за да бидат целосно сигурни во опстанокот.
Be the first to comment