Македонскиот шампион Шкупи игра историски натпревар против косовски Балкани. Победникот од овој меч ќе игра во групната фаза на Евроската конференциска лига.
Шанса која Шкупи не смее да ја пропушти
Шкупи разочара минатото коло во квалификациите на Лигата на Европа. Откако го исфрлија Линкол од првото коло на Лигата на Шампиони, па испаднаа во змнет двомеч со Динамо Загреб, ее чинеше дека добија противник по мерка во екипата на Шамрок. Како фаворити влегоа во тој двомеч, но на два пати загубија со 3:1 и 1:2.
И покрај тоа што во првиот натпревар забележаа пораз од 3:1 на гостински терен, Шкупи тргна офанзивно во реваншот минатата недела во Скопје. Сепак, откако Атетунџи и другарите се изнапромашуваа, следеше казна и уште еден пораз.
Момците на Гоце Седлоски сега ќе бараат предност во првиот натпревар со Балкани во четврток, бидејќи за првпат во својата историја имаат можност да се квалификуваат во групната фаза на едно европско натпреварување.
Тешко дека Шкупи во блиска иднина може да има полесна задача, велам полесна барем на хартија. Жребот беше целосно наклонет кон нив и ќе биде огромна штета за екипата, па дури и за македонскиот клубски рејтинг, доколку чаирчани не обезбедат групна фаза во Европската конференциска лига.
Балкани веќе испиша историја
Балкани е огромно изненадување во Европа ова лето. Станува збор за екипа која стана шампион на Косово минатата сезонаж и покажа одлични игри до сега во Европа. Сепак, мора да се истакне дека Балкани имаше неверојатна среќа во жрепките до сега.
Во Лигата на Шампиони испаднаа по првиот двомеч од литвански Жалгирис, откако играа продолженија во Литванија. Потоа следеше лесен меч со Ла Флорита од Сан Марино и две убедливи победи од 0:4 и 6:0, за да се закаже меч со шампионот на Фарски Остгрови, Клаксвик. Балкани минатата недела замина на Фарските острови со минималниот гол предност од домашниот меч по триумфот со 3:2, а минута пред крајот на мечот примија гол за дуелот да влезе во продолженија, која остана и после дополнителните пола час игра во продолженијата, па решаваа пеналите.
Во рулетот, Ки Клаксвик промаши двапати, а Балкани само еднаш и со 4:3 дојде на чекор до пласман во плејофот и дуел чаирчани во завршната рунда.
Инаку, тимот доаѓа од градот Сува Река – мало градче со 10.000 жители. Вредноста на тимот е четири милиони евра а најскапиот е Емал Красниќи кој вреди 350.000 евра. Тимот е составен со фудбалери од Косово и АЛбанија, двајца црногорци, а во екипата игра и бразилецот Лукас кој од 2016 до 2018 година играше со голем успех во Пелистер.
Тимски новости: Шкупи
Гоце Седловски може да смета на сите играчи за овој меч. Шкупи нема ниту суспендирани, ниту повредени фудбалери, откако Дафна се врати по повредата и одигра пет минути изминатиот викенд против Македонија Ѓорче Петров.
Седловски ќе игра фо формација 4-3-3: Наумовски, Брдаровски, Сењор, Маргвелашвили, Демири; Алварез, Куевен, Адем; Чепхас, Хамиди, Атетунџи
Тимски новости: Балкани
Тренерот на Балкани Даја веројатно ќе игра во формација 4-3-2-1: Лујанович; Потоку, Таки, Делова, Тачи; Емерлаху, Куч, Грипши; Кореница, Красниќи; Рахмани
Очекување:
Квалитетот е на страната на Шкупи и тоа е сосема јасно. Сепак влогот во овој меч е огромен и голема улога ќе играат мотивити. Ќе има многу трчање на теренот, со тоа што Шкупи ќе биде екипата која ќе ја има топката во свој посед. Балкани ќе ја чека својата шанса од контра напади. Мора да се напомене дека овие две екипи во подготовките пред евро настапите играа пријателски меч во кој Балкани славеше победа од 0:2. Сепак, тоа не значи ништо пред овој двомеч. Мислам дека квалитетот ќе пресуди и Шкупи ќе забележи победа.
Be the first to comment