Саботниот судир во англиската Лига 2 помеѓу Ексетер Сити и Стивениџ може да има огромни импликации на двата краја на табелата до крајот на сезоната. Ова е дуел кој е значаен за двете екипи, кои се борат за пласман во подобра лига, односно за опстанок.
Домаќините имаат контрола на сопствената судбина во нивната цел – пласман во третата лига по квалитет во Англија и покрај тоа што одиграа нерешено без голови во средината на неделата, додека гостите продолжуваат да лебдат над зоната за испаѓање по одложувањето на нивниот натпревар минатиот викенд.
Се е на страната на Ексетер
Ексетер беше принуден жестоко да се бори за бодовите против екипата на Порт Вејл во Вејл Парк во вторникот вечерта. Мечот заврши без голови и тој бод е доста значаен. Сега тимот е на втората позиција и има за цел да го зачува тоа место на табелата. Формата на тимот е одлична и Ексетер има само еден пораз на предхондите 14 натпревари.
Сепак борбата ќе биде тешка до крајот бидејќи екипата има само два бода повеќе од Нортхамптон, Бристол Роверс и Транмере. И другите екипи се многу блиску до врвот, па се е можно до крајот на сезоната.
АКо Ексетер сака директна промоција во Лига 1, тогаш нема друга опција освен да слави победа на овој меч, како и на останатите слични на овој до крајот на сезоната кога фаворитската улога и домашниот терен ќе биде на нивна страна.
Стивениџ во проблеми
Стивениџ имаа многу време да се подготват за своето патување оваа сабота на јужниот брег, бидејќи мораа да го одложат патувањето минатиот викенд во Менсфилд Таун поради појава на КОВИД-19.
Бројните позитивни случаи во првиот тим и персоналот на клубот го оставија Стивениџ без избор.
Затоа, патувањето во Ексетер ќе биде првиот натпревар за новиот шеф Стив Еванс, кој го замени отпуштениот Пол Тисдејл претходно овој месец.
Серијата од девет натпревари без победа останува како резултат на одложувањето, што го остава тимот во опасната зона на 22-то место во четвртото ниво, само три бода над Олдам Атлетик кој е во зоната за испаѓање.
Слично како и домаќинот и Стивениџ има се во свои раце. Не се работи за лош тим, напротив нивните цели беа многу повисоки од борба за опстанок пред сезоната.
Новиот шеф ќе биде желен да ја прекине црната серија и да стартува со позитивен резултат и покрај аутсајдерската улога на ова тешко гостување. Сепак, во исто време поради проблемите со фитнесот и ковидот, како и формата и ужасната традиција против нивните домаќини, Стивенејџ нема да има никакви очекувања од овој дуел.
Be the first to comment