Шведска и Чешка ќе бијат битка во Стокхолм за пласман на Светското првенство во Катар. Ова е полуфинален бараж меч меѓу две селекции кои настапија на ЕУРО 2020.
Кој и да победи на натпреварот во Солна, ќе игра со Полска, која веќе обезбеди пласман во финалето, поради тоа што Русија беше исфрлена од натпреварувањето поради воената инвазија во Украина.
Домашниот терен – најголема предност на Шведска
Откако против главниот фаворит во групата Шпанија, ќе победите дома, тогаш не може да бидете задоволни со пласман во баражот. Јане Андерсон и неговата екипа стартуваа одлично, но се што постигнаа беше уништено во двата последни натпревари од квалификациите кога се случија поразите од Грузија со 2:0 и токму од Шпанија со 1:0.
Со преостанати два меча, нивната судбина беше во нивни раце, сценарио кое се смени кога изненадувачки загубија со 2:0 во Грузија и последователно им ја вратија малата предност на фаворитите во групата.
Шпанија капитализираше во последниот натпревар од групата, славејќи со 1:0 и на крај заслужено обезбеди директен пласман на Мундијалот. И покрај фрустрацијата, сино-жолтите барем имаат предност поради домашниот терен. Тие се домаќини на овој меч и ако слават повторно ќе бидат домаќини во финалето против Полска. Шведска нема претрпено пораз на домашен терен од Септември 2020 година, а тоа е добредојдено против селекција како Чешка која не секогаш игра добро на гости.
Чешка игра променливо
Поразите од Белгија и Велс на гости беа забележани без Чешка да постигне гол, иако тие постигнаа осум гола на средбите со Естонија и Белорусија.
Како и да е, ова е тим кој стигна до четвртфиналето на ЕП 2020 и тоа со многу трпеливост – поразувајќи ја Холандија и тие според многумина имаат подеднакви шанси како и Шведска во овој бараж.
По поразот од Белгија во Септември, беше направена серија од пет меча без пораз. Веројатно најголем проблем е неконзистентноста во последно време, но н анатпревари како овој тоа не смее да биде алиби. На последните три меча против Белорусија и Естонија во квалификациите и пријателскиот дуел со Кувајт, Чешка даде 11 гола. Доколку напаѓачите продолжат во тој стил, тогаш се е можно на овој меч.
Вести за составите на екипите
Плејмејкерот на Манчестер Јунајтед, Ентони Еланга веројатно ќе дебитира за Шведска, иако најверојатно ќе стартува од клупата за резервни играчи.
Емил Крафт и Златан Ибрахимовиќ се суспендирани, забраната за првиот потенцијално ќе доведе до префрлање на Виктор Линделоф на позиција десен бек, а Маркус Даниелсон ќе стартува на централната бековска позиција.
Бидејќи Патрик Шик е надвор од тимот поради повреда на потколеницата, високо оценетиот Адам Хложек може да стартува во нападот на Чешка.
Јакуб Брабец би можел да биде заменет на позицијата десен бек со Владимир Куфал кој не играше неколку недели поради повреда на препоните.
Како резултат на тоа што Алекс Крал едвај играше за Вест Хем оваа сезона, Михал Садилек би можел да добие предност во средниот ред покрај Соучек.
Be the first to comment