Кенија и Руанда ја затвараат завесата во својата неуспешна кампања во квалификациите за пласман на Светското првенство во 2022 година со натпревар на Националниот стадион Нјајо во главниот град на Кенија, Наироби.
Двата тима ќе го пропуштат настанот следната година по разочарувачките квалификации, но на овој меч сакаат да завршат во стил и да најават поуспешна иднина.
Сите погледи свртени кон Олунга
Кенија ја заврши серијата од два последователни порази со реми 1:1 против Уганда на стадионот Сент Мери-Китенде во четвртокот.
Избраниците на Енгин Фират дојдоа во водство во 60-та минута преку Мајкл Олунга пред Фахад Бајо да израмни во претпоследната минута од мечот. Сепак, дури и да славеа победа кенијците ќе немаа шанси за прогрес. Токму Олунга е фудбалерот од кого највеќе очекува оваа нација.
Играчот на Ал-Духаил од Катар игра во одлична форма и на последните шест средби за својата екипа постигна неверојатни 10 гола. Со 19 репрезентативни голови зад своето име – најмногу од сите активни играчи, Олунга моментално се наоѓа на осмото место на листата на стрелци на неговата нација на сите времиња.
Кенија сака да биде барем трета
Кенија е на третото место во групата Е во моментов и не можат до второто место, но сакаат барем да го зачуваат третото место. Нивни најголем проблем еодбраната која прими осум гола овие квалификации – највеќе во оваа група.
Но ова е голама шанса за Кенија да ја забележи првата победа, ако се знае дека пред нив е судир против селекција која не победила на ниту една од нивните меѓусебни претходни седум средби кои датираат од 2005 година. Ако се следи традицијата, тогаш нема дилема дека Кенија ќе слави победа на овој меч. Но сепак, бидете претпазливи – едноставно и двете селекции се наоѓаат во очајна форма.
Руанда со најслаб напад
Руанда беше поразена трет последователен натпревар со поразот од 0:3 од Мали на домашен терен, на стадионот Нјамирамбо во четвртокот.
Головите на Муса Џенепо, Ибрахима Коне и Калифа Кулибали значеа сигурна победа за Мали кој можеше да слави и поубедливо на овој меч.
Откако освоија само еден поен од нивните пет меча, Осите остануваат до дното на групата Е и им треба победа за да ја минат Кенија и завршат на третото место.
И ако Кенија имаше најслаба одбрана во групата, тогаш Руанда е селекцијата со најслаб напад. Тие на петте натпревари постигнаа само еден гол и ќе мора да ги подобрат напаѓачките перфоманси доколку сакаат бодови во Кенија.
Be the first to comment