Манчестер Сити ќе се обиде да направи уште еден огромен чекор кон освојување на титулата оваа сезона во Премиер лигата кога во недела попладне го пречекува лутиот ривал Манчестер Јунајтед на „Етихад“ стадионот.
Избраниците на Пеп Гвардиола, имаат неверојатна серија од 21 победи по ред во сите натпреварувања и се на врвот на табелата, со 14 бода разлика од второпласираниот гратски ривал Манчестер Јунајтед, кој сигурно ќе се задоволи и со пласман во топ 4.
Гвардиола може да го реши прашањето за титулата
Сити го продолжи неверојатниот тек на формата со победата од 4:1 над Вулверхемптон во вторникот вечерта, со Габриел Хесус кој постигна два гола и голот на Ријад Махрез. Првиот нивни гол, беше автогол.
Екипата на Гвардиола сега победува на секој од последните 21 натпревар во сите натпреварувања, вклучително и 15 меча по ред во Премиер лигата, што ги стави во многу удобна позиција на врвот на табелата.
Математички, трката за титулата е далеку од завршена, но Сити има 14 бода предност пред второпласираниот Јунајтед и би го направил финалниот огромен чекор кон трофејот со победа во дербито на Манчестер.
Граѓаните всушност не загубија во лигата од 21-ви ноември, додека серијата победи почна токму по првиот меч на овие две екипи сезонава на Олд Трафорд кога беше 0:0.
Сити ита кон шампионската титула, додека во финалето на ЕФЛ Купот ќе се соочи со Тотенхем на крајот на април, барајќи уште еден домашен трофеј. Во рамките на ФА купот, ќе се соочат со Евертон во четврт-финалната фаза на 20 март.
Тимот на Гвардиола е исто така во топ позиција да се пласира во четврт-финалето од Лигата на шампионите бидејќи има предност од 2:0 над Борусија Менхенгладбах во пресрет на реваншот од осминафиналето.
Јунајтед ќе биде задоволен со пласман во Топ 4
Во меѓувреме, Јунајтед ќе влезе во мечот по разочарувачкото реми без голови против Кристал Палас во средата вечерта. „Црвените ѓаволи“ успеаја да ја задржат втората позиција, но имаат само пет бода разлика од петтопласираниот Евертон, кој има натпревар помалку од секоја од првите четири екипи.
Избраниците на Оле Гунар Солскер впрочем ремизираат на последните три меча без да дадат или примат гол. Реми со Сосиедат во Лигата на Европа 0:0 и потоа две ремија без голови со Челзи н агости и со Кристал Палас исто така н агости.
Како и Сити, така и 20-кратниот шампион на Англија ќе мисли и на следниот меч, бидејќи се подготвува за дуелот со Милан во Лигата на Европа, покрај тоа што ќе се соочи со Лестер Сити во четврт- финале на ФА купот на 21-ви март.
„Црвените ѓаволи“ ги оекува еден пеколен период во кој мора да освојуваат бодови, а ќе се сретнат со Сити, Вест Хем и Тотенхем во три од следните четири средби.
Без пораз на гостински терен во Премиер лигата од јануари 2020 година, тимот на Солсјер е тим на кој треба сериозно да им се посвети внимание, а тие одиграа осум од 14-те натпревари на гостински терен во рамките на овој период, вклучително и ремито во Лондон кај Челзи минатиот викенд.
Be the first to comment