Скоро четири години поминаа од историскиот осминафинален двомеч на Барселона и ПСЖ, а сега повторно двете екипи ќе играат меѓу себе во истата фаза во Лигата на Шампиони.
И покрај важноста од пласман во четврт-финалето за двете екипи, мала е веројатноста дека ќе се игра претпазливо на Камп Ноу, каде вечерва ќе бидат свртени сите очи на фудбалскиот свет.
Многу нешта ќе завистат од спремноста на Пике
Домаќините се загреаа за овој меч со удобна победа над Алавес од 5:1 во Ла Лига. Лионел Меси изедначи на уште еден клупски рекорд за Барселона на тој меч.
Аргентинецот го облече дресот на Барселона по 505-ти пат во шпанскиот шампионат – израмнувајќи го претходниот рекорд кој го држеше славниот маестро Чави од средниот ред и во типичен стил на Меси, тој ја одбележа приликата со два спектакуларни гола.
Потенцијален проблем за Куман е неиграњето на Кутињо и Фати на овој меч, но во Барса има играчи кои можат да ги заменат и да одиграат на високо ниво. Тука пред се мислам на Тринкао кој се наоѓа во добра форма а на предходниот негов меч против Алавес постигна два гола. Голема е веројатноста тој да биде стартер покрај Меси и Гризман во навалната линија на Куман.
Под знак прашалник е Пике, но голема е веројатноста дека тој ќе игра под инекции. Сепак неговото играње на овој меч е од голема важност.
Меси во центарот на вниманието
Бидејќи шпекулациите за иднината на Меси продолжуваат да доминираат, ќе биде интересно да се следи вечерашниот меч против екипа која го посакува во своите редови. За разлика од Манчестер Сити – за кои се верува дека се занимаваат со својата работа тивко – бројни членови на играчкиот и неиграчкиот персонал на ПСЖ не криеја дека сакаат да го донесат Меси во главниот град на Франција за следната сезона.
Ваквата отворена тактика, наводно, ја искористи Барселона, која ќе биде уште поодлучна да ги понижи своите противници на овој меч исто како пред четири години. Тогаш ПСЖ славеше со 4:1 на првиот меч и сите мислеа дека е решен патникот во следната фаза, но во Барселона домаќинот славеше со неверојатни 6:1. Тој двомеч е еден од најинтересните во историјата на Лигата на Шампионите. Изненадувачки, Барселона стана првиот тим во Лигата на шампионите што успеа да ја намали негативата од четири гола во таа неверојатна вечер на „Камп Ноу“ на 8-ми март 2017 година. Тогаш, менаџерот на ПСЖ, Унаи Емери, беше сведок како неговата екипа се распаѓа.
Без Нејмар, Покетино ќе има тешка задача
Маурисио Покетино се најде на удар на критики поради неговата одлука да го вметне Нејмар во состанокот во Купот на Франција со Каен на почетокот на овој месец. Тоа беше потег што секако му донесе негативна реакција на аргентинскиот менаџер, бидејќи неговиот најдобар фудбалер сега е надвор од терените поради повреда.
Дали поранешната каталонска ѕвезда ќе може да излезе на теренот за реваншот останува да видиме, но нема шанси Нејмар – кој беше многу гласен за неговата желба повторно да се поврзе со Меси да игра на „Камп Ноу“.
Амбулантата во ПСЖ е полна во голем дел од сезоната и почнува повторно да се полни во најлошото можно време за Покетино, кој го игра првиот натпревар во Лигата на шампионите како менаџер на ПСЖ откако Томас Тухел ги водеше до првото место во застрашувачката група Х.
И покрај се поголемите проблеми со повредите, ПСЖ нема да биде симнат од тронот без борба во Лига 1 и победата над Ница минатиот викенд беше осма победа од последните девет натпревари во сите натпреварувања.
Добро за ПСЖ е што одбраната функционира на високо ниво во последно време, па тие немаат примено гол на четири дуели во низа. Но сега Покетино е свесен дека и тој дел од тимот треба да биде на уште повисоко ниво, бидејќи Барса е екипата која ќе притиска вечерва.
Be the first to comment