Лајпциг е домаќин на Манчестер Јунајтед во решавачкиот натпревар од групата Х во Лигата на Шампиони. Лајпциг, Манчестер и ПСЖ имаат по девет бодови и последното коло привлекува големо внимание, особено овој меч во Германија од каде само една екипа ќе се радува на пласман во следната фаза ( доколку ПСЖ ја оправда фаворитската улога и слави против Башакшехир ).
Момците на Нагелсман се преморени, но мораат до победа
Лајпциг импресивно стигна до полуфиналето во Лигата на шампионите минатата сезона пред да загуби од ПСЖ, но тие се крајно неискусни во ова ниво на фудбал – во моментов ја играат својата само трета сезона во групната фаза.
Тимот на Јулијан Нагелсман ја отвори сеоната во групата Х со победа од 2:0 над Истанбул Башакшехир, но претрпе шокантен пораз од 5:0 на гостувањето кај Јунајтед кон крајот на октомври.
Лајпциг успеа да се опорави со домашна победа над ПСЖ од 2:1, но потоа го загуби реваншот во Париз со 1:0 за да се стави во тешка позиција пред нивниот натпревар на гости со Башакшехир минатата недела.
Турските гиганти го израмнија резултатите на 3:3 во последните минути на пресметката во Истанбул, но победникот беше решен во 92-та минута кога ги постави конечните 3:4.
Колку само тежок распоред имаше Лајпциг, говори и дуелот од минатиот викенд. Тие гостуваа кај Баерн Минхен во Бундеслигата и одиграа еден крајно интересен меч кој заврши 3:3.
Сега, со Манчестер мораат да слават победа ако сакаат во наредната фаза. Реми му одговара на Манчестер, но и Лајпциг со бод може понатаму, но само во случај ПСЖ да загуби на домашен терен од Башакшехир.
Немам сомнеж дека Лајпциг ќе нападне од првата минута. Но мислам дека голем проблем за нив ќе биде свежината, откако одиграа неколку тешки натпревари во серија. Ако Нагелсман најде решение за свежината, сите опции ќе бидат во игра.
Јунајтед сонува за бод
Јунајтед беше во одлична позиција во групата по првите два меча, со победи на гости кај ПСЖ со 1:2 и со убедливи и неочекувани 5:0 над Лајпциг на домашен терен. Но следуваше шокантен пораз од Башакшехир во Турција.
„Црвените ѓаволи“ успеаја да се вратат на победничките патеки на домашен терен против истиот тим на 24-ти ноември, но поразот од ПСЖ на домашен терен со 1:3 минатата недела значи дека треба да завршат уште голема работа за да се пласираат во нокаут-рундата.
Како што споменавме, 20-кратниот шампион на Англија ќе помине доколку избегне пораз во Германија, додека тие ќе завршат први ако обезбедат или дури и со бод ако ПСЖ не успее да го совлада Башакшехир.
Екипата на Солсјер победи на пет од последните шест натпревари во сите натпреварувања, вклучувајќи ја и победата викендов над Вест Хем со 1:3 во Премиер лигата во саботата, кога мораше да се враќа откако првиот дел заврши со водство на домаќинот со 1:0.
Јунајтед има голем меч на домашен терен со Манчестер Сити во Премиерлигата следниот викенд, но едноставно не може да си дозволи да мисли на тој меч пред да заврши дуелот во Германија. Солскер најави дека доколку Манчестер не ја помине групата, тоа би било катастрофа за тимот, но јас мислам дека ќе бидат претпазливи на овој меч.
Be the first to comment