Тотенхем е домаќин на Манчестер Сити во дербито на колото во англиската Премиер Лига. Нема сомнеж дека не очекува еден крајно интересен и неизвесен меч, во кои влоговите на двете екипи се големи. Кога меѓу себе играат екипи на Пеп и Мурињо, секогаш се случува нешто интересно и неочекувано, па така може да биде и овој пат.
Мурињо VS Гвардиола
Дуелите меѓу Мурињо и Гвардиола секогаш бараат исто внимание да биде насочено кон менаџерите, како и кон клубовите, а особено овој пат тоа ќе важи за Гвардиола кој ќе сака да ја круниса славеничката недела во која тој конечно стави потпис на нов двегодишен договор со тимот од „Етихад“.
Двајцата менаџери се знаат одлично, од времето кога ги водеа Реал и Барса, па потоа Јунајтед и Сити – двата тима од Манчестер, а сега Тотенхем и Сити. Но Гвардиола ужива во подобриот скор од минатите состаноци.
Навистина, 10-те порази на Мурињо од екипите предводени од Гвардиола се повеќе отколку што тој претрпел против кој било друг менаџер, додека самиот Гвардиола почесто победувал само против Мануел Пелегрини како противнички шеф.
Динамиката може да биде малку поинаква во пресрет на саботната пресметка, особено што Тотенхем игра одлично и нескромно најави атак на титулата оваа сезона – само една година откако завршија со 40 поени помалку од шампионот.
Тотенхем одличен сезонава
Пред Тотенхем има долг пат, но Мурињо знае дека со евентуална победа на овој меч, можат да станат незапирливи. Имаат пет победи, две ремија и само еден пораз и играат одлично.
Единствениот пораз сезонава дојде во првото коло од Евертон во Септември, а од тогаш единствено загубија од Антверпен во Лигата на Европа но со комбиниран тим.
Ако постои загриженост за Спарс во моментов, тоа може да дојде во фактот дека само два од нивните натпревари во Премиер лигата оваа сезона беа решени со повеќе од еден гол, а трите нивни последни победи беа над послаби екипи: Барнли, Брајтон и Вест Бромвич Албион.
Сепак Мурињо сеуште бара подобрување од својата екипа, особено во дефанзивата и покрај тоа што имаат примено само девет гола.
Сити со офанзивни проблеми сезонава
Екипата на Гвардиола досега победи на само три од вкупно седум натпревари сезонава, што според нивните очекувања е прескромно. Се наоѓаат на 10-тото место на табелата.
Како и да е, Сити сепак може да се пофали со многу подобра игра над повеќето тимови во лигата и е на само шест бода разлика од Лестер кој е лидер. Мислам дека имаат можност да го надополнат нивниот некарактеристичен слаб старт.
Пред паузата одиграа нерешено 1:1 на домашен терен против шампионот Ливерпул што беше трет пат да го делат пленот на последните пет натпревари во Премиер лигата.
Проблемот на Сити сезонава е нападот. Имаат постигнато само 10 гола на овие седум натпревари.
Да го ставиме тоа во контекст, Сити постигна 27 гола до истата фаза минатата сезона, а нивниот сегашен резултат е најнизок по седум натпревари од 2010-11 година.
Гвардиола може да се надева дека неговите играчи ќе ја носат својата меѓународна форма во домашните шампионати, откако го пофали Феран Торес кој постигна хет-трик за Шпанија против Германија, Родри исто така се запиша во листата на стрелците на тој натпревар, па дури и бекот Рубен Диас двапати ја тресеше мрежата за Португалија против Хрватска.
Можен почетен состав на Тотенхем:
4-2-3-1 – Лорис; Ауриер, Алдерваирелд, Дир, Регулион; Сисоко, Хојбјерг; Бејл, Ло Селсо, Сон; Кејн
Можен почетен состав на Манчестер Сити:
4-3-3 – Едерсон; Вокер, Диас, Лапорте, Кансело; Де Брујн, Родри, Гундоган; Торес, Хесус, Фоден
Be the first to comment