Многу нешта ќе бидат појасни по мечевите од петтото коло од групите Ф, Е, Г и Х во вторник во Лига на Шампиони. Ќе следиме интересни и неизвесни натпревари, но и дуели помеѓу огромни фаворити и аутсајдери. Направивме кратка анализа за секоја група и ги одбравме најдобрите коефициенти од понудите на онлајн обложувалниците.
ГРУПА Ф
Манчестер Сити е домаќин на Феенорд и е голем фаворит за победа. Домаќинот веќе обезбеди пласман во следната фаза на ЛШ. Освен тоа игра одлично и во домашниот шампионат каде што е лидер со комотни 8 бода предност. Во наредниот период период Гвардиола ќе се насочи целосно кон Премиер Лигата бидејќи ги чека тежок период околу божиќните празници. Феенорд пак сеуште се надева на пласман на 3-то место но досега има максимални 4 порази. На првиот меч од Сити загуби со 0:4 и јасно е дека шансата за бодови ќе ја бара во следното коло на домашен терен против Наполи.
Токму Наполи е пред императив на победа против Шајхтор доколку сака д аги задржи шансите за пласман на втората позиција. Разликата помеѓу двата тима на табелата е 6 бода па со уште само еден освоен бод на Шајхтор, украинците ќе го осигураат второто место. Сепак доколку конечно Наполи ги повтори игрите од Серија А, во ЛШ победата ќе им биде загарантирана.
ГРУПА Г
Бешикташ е домаќин на Порто и со победа или реми веќе ќе обезбеди пласман во 16/1 финалето. Досега екипата забележа 3 победи и едно реми а на првиот меч кај Порто славеше со 1:3. Порто е втор и има реални шанси да ја задржи таа позиција, но ќе мора да освојува бодови. Очекуваме офанзивна игра од гостите, а кога се игра така доаѓаат и голови.
Монако и Лајпциг ќе играат во вториот меч од оваа група, а и за двата тима овој дуел е да се биде или не. Победа за било кој тим ќе значи многу, но пораз ќе ги одалечи дури и од третата позиција која води во Лигата на Европа. Двете екипи негуваат офанзивен фудбал, но овој пат ќе мора да внимаваат и на својата мрежа нешто што не е својствено за овие екипи.
ГРУПА Е
Спартак Москва е домаќин на Марибор и со победа ќе има големи шанси за продолжување во следната фаза на Лига на Шампиони.Моментално се трети на табелата со два бода помалку од Севиља од кого го имаат и единствениот пораз сезонава во ова натпреварување. Марибор е закован на дното со еден бод и тоа токму против Спартак Москва, но во Русија нема што да бара и тешко дека ќе остане непоразен.
Во еден од најпривлечните дуели во вторник, Севиља е домаќин на Ливерпул во меч на првите две екипи на табелата. Бодовната разлика е само еден бод и победникот од овој меч ќе обезбеди пласман во следната фаза. Поразениот ќе остане со реални шанси, додека евентуално реми ќе ги искомпликува работите во групата. Очекуваме претпазлив натпревар од двете страни иако Ливерпул реално баш и незнае да игра дефанзивно.
- Спартак Москва – Марибор – 1 ( 1.26 ) Marathonbet
- Севиља – Ливерпул – ГГ ( 1.55 ) 10Bet
ГРУПА Х
Дербито на денот ќе се одигра во Германија помеѓу Борусија Дортмунд и Тотенхем. Домаќинот во Лига на Шампиони игра катастрофално, додека Тотенхем веќе обезбеди пласман во следната фаза и ќе игра без притисок. Дортмунд дури стравува и за третата позиција и токму затоа ќе мора да нападне од почетната минута. Сепак тимот е очаен во последно време, а одбраната е во катастрофална форма па можеме да очекуваме голови и на двете страни.
Во Кипар кај Апоел гостува Реал Мадрид. Со победа кралскиот клуб ќе се најде во следната фаза и дефинитивно нема да ја пропушти оваа можност. Апоел шансата за третата позиција ќе ја бара во последното коло против Тотенхем на гости надевајќи се дека Покетино ќе извади втор тим на терен.
2 Trackbacks / Pingbacks