И минатата недела го анализиравме првиот меч од овој двомеч и не погрешивме. Најавивме дека Ференцварош е потценет и тоа се покажа како точно по неверојатниот меч одигран во Норвешка. Сега на реваншот, се чини дека букмејкерите си ја исправаат грешката.
На првиот меч погодивме дека ќе паѓаат голови и на двете страни, а погодивме дека аутсајдерот нема да се врати во Унгарија со пораз.
Резултатот од првиот меч најавува голема борба, неизвесност и еден дост интересен натпревар во Унгарија. Гостите водеа со 2:0, но Молде успеа да направи целосен пресврт и да поведе со 3:2, пред Каратин од пенал во 87-та минута да ги постави конечните 3:3. Домаќинот беше нешто подобар ако се гледа статистички на том дуел. Имаше поделен посед на топка, со тоа што Молде имаше повеќе обиди за гол, но оние на гостите беа некако подобри.
Молде имаше далеку полесна задача за да стигне до оваа финална фаза од квалификациите за Лигата на Шампиони. Прво го елиминираа Купс од Финска со 5:0, па Целље во Словенија со 1:2, за во минатото коло на гости во Азербејџан да го минат Карабаг со 0:1 но дури по продолженија.
Од друга страна, Ференцварош имаше крајно тешка задача за да стигне до тука и изненади три екипи. Против сите три екипи беше аутсајдер, но ги помина. Прво славеа над Ѓургарден од Шведска со 2:0, па го направија изненадувањето на колото славејќи над Селтик во Шкотска со 1:2, за во минатото коло поворно да бидат отпишани пред време, но славеа над Динамо Загреб со 2:1. Ова беа три неверојатни натпревари за нив и ако се суди според квалитетот на екипите кои тие ги поминаа сега ќе имаат полесна задача за разлика од предходните натпревари. Овој меч за нив ќе биде сличен како оној против Ѓургарден во првото коло, кога играа дома.
Се работи за една цврста екипа која знае што сака под водство на легендарниот украински напаѓач Сергеј Ребров. Имаат добри индивидуалци на сите позиции, добри се и како целина и немојде да се изненадите доколку уште еднаш совладаат фаворизирана екипа.
Молде ќе мора да нападне, бидејќи почетните 0:0 одат во корист на Ференцварош кој и тоа како добро знае да игра на конттра напади. Но Ребров најави дека нема да остави ништо на случајноста, нема да игра на резултат и дека ќе нападне. Би требало повторно да видиме барем по еден гол на двете страни, но јас верувам дека унгарскиот шампион ќе се пласира во групната фаза од Лигата на Шампиони.
Be the first to comment