Лига на Шампиони – ГРУПА Г: Реал ќе има лесна задача, но Рома и ЦСКА ќе играат одлучувачки дуели

Во Г групата Реал Мадрид не би требало да има тешка задача да заврши на првото место. Сепак тука е Рома, но и ЦСКА Москва која во екот на ладната зима во Русија може да им откине бодови на големите фаворити.

ГРУПА Г

Реал Мадрид е фаворит во оваа група и тоа без конкуренција. Многумина веруваат дека единствено Рома ќе може да им откине некој бод на мадриѓаните, но и тоа тешко дека ќе се случи. Реал е еден од фаворитите за трофејот во ова натпреварување, а ќе сака тоа да го покаже уште во групната фаза. Реал ќе се обиде што побрзо да го осигура првото место во оваа група, бидејќи ќе ги очекува тешка сезона и во Ла Лига каде ќе бидат потребни ротации. Но тоа Реал Мадрид знае да го прави одлично.

Реал Мадрид

Рома е втор фаворит во групата, а нејзин ривал ќе биде единствено ЦСКА Москва. Плзен пак, треба да биде задоволен што воопшто ќе игра во ова друштво и секој нивни освоен бод ќе биде успех сам по себе. Дефинитивно најинтересни ќе бидат натпреварите помеѓу Реал Мадрид и Рома, но одлучувачки ќе бидат дуелите меѓу Рома и ЦСКА Москва. Подобриот од тој двомеч ќе биде втор, но само доколку ја оправда фаворитската улога против Плзен.

Групата Х е една од најинтересните сезонава во Лигата на Шампиони. Јуве и Јунајтед ќе ги играат дерби дуелите од групата, но ништо помалку интересни ќе бидат и нивните мечеви против Валенсија.

Be the first to comment

Leave a Reply

Your email address will not be published.


*