Алжир – Кенија е дербито на денот на Купот на Африкански Нации во недела. Алжир дојде по титулата, иако многумина не веруваат во нив. Наспроти сите, јас сум убеден дека овој тим е кадарен да освои трофеј, а серијата победи би требало да ја стартува против Кенија.
Алжир со еден куп ѕвезди во својот тим, но без никаков успех
Според имињата на фудбалерите, Алжир има највеќе ѕвезди во Африка. Но за оваа селекција тоа не е доволно. Тимот не изгледа како што треба и знае да загуби дури и од најслабите во Африка. Можеби тоа е единствената причина што букмејкерите не веруваат во оваа репрезентација и фаворитската улога на Купот на Африканските Нации им ја препуштија на Египет, Сенегал и Гана. Тие и покрај тоа што имаат солиден тим не ја поминаа групната фаза од Купот на Африка во 2017 година и не успеаја да се квалификуваат на минатогодишното Светско Првенство. Во анализата на ова натпреварување, јас напонемав дека е време оваа селекција да го оправда сиот потенцијал со кој располага и верувам дека добрата серија ќе започне на овој меч.
Во последниве месеци, тие создадоа добар импулс. Нивната квалификациска победа од 4:1 во Того минатиот ноември беше пресвртна точка за оваа група на играчи под водство на големиот мотиватор Џамел Белмади. Сега тие се без пораз на пет натпревари во кои забележаа три победи и две ремија. Проблемот на Алжир е што во тимот имаат премногу солисти. Но конечно, играчите веројатно сфатија дека само со тимска игра и со напорна работа ќе имаат шанса да го исполнат својот потенцијал.
Ги имаат Марез и Брахими, како и најдобриот голгетер во светот Бундеџа
Има многу талент во алжирските редови. Централниот напаѓач Аиса Манди и играчот од средниот ред Фегули, се наоѓаат во најдобрата фаза од нивните кариери. Десен бек Јучеф Атал беше еден од најдобрите играчи на неговата позиција во Лига 1 оваа сезона. Првотимецот на Порто, Јакин Брахими како и Бенталеб се неверојатни секогаш кога играат за селекцијата. Ако на овие се додадат првите ѕвезди на тимот, тогаш факт е дека селекцијата поседува огромен талент.
Ријад Марез ќе сака да ги надомести минатите разочарувања во дресот со националните бои. Багдад Бундеџа постигна девет гола во последните десет натпревари за Алжир. Тој е прв стрелец во Светот со постигнати неверојатни 39 гола на само 22 натпревари сезонава за Ал Сад од Катар. Тајното оружје на Алжир пак е Енди Делорт. Роден во Франција, тој изрази интерес да игра за Алжир во месец април и веднаш доби повик од селекторот. Тој е еден од најдобрите напаѓачи во Лига 1 оваа сезона и постигна 14 гола на кои додаде седум асистенции.
Делорт има потенцијал да биде сериозна закана ако биде во тандем со Бундеџа или пак ако биде негова замена.
Кенија во невозможна мисија за пласман во следната рунда
Кенија е просечна африканска селекција без посериозен успех досега. Имаа лесна задача во квалификациите откако Сиера Леоне го откажа учеството во истите и Кенија остана да игра само против Гана и Етиопија. Веднаш беше јасно кои две селекции ќе обезбедат пласман на ова натпреварување, ако се знае дека Етиопија е далеку зад останатите две селекции во групата. Тие во квалификациите славеа и над Гана кој е еден од фаворитите на Купот на Африкански Нации што само дополнително ги загреа апетитите на сите во земјата под Килиманџаро.
Со Ванјама во селекцијата се е можно
Се во селекцијата на Кенија е насочено кон Ванјама од Тотенхем. Тој е главната ѕвезда во тимот, главната ѕвезда во целата земја и е капитен на селекцијата. Кога игра во дресот со националните бои, може да го видите и како напаѓач и покрај тоа што во Тотенхем игра како последен играч за врска. Не се изненадувајте доколку и на овој меч игра во нападот. Има уште неколкумина фудбалери од Кенија кои играат во Европа но во послабите лиги како Романија, Шведска … Останатите играат во Јапонија, Кина и во домашниот шампионат. Повеќето кои играат дома доаѓаат од шампионот на земјата Гор Махиа, што значи дека одлично се познаваат што покрај Ванјама, тоа е единствената позитива за селекцијата.
Наш предлог:
Be the first to comment