Јувентус гостува кај Удинезе во рамки на 35-то коло на Серија А. Уште по овој меч може да се прославува титулата во некои варијанти, но таа на некој начин е веќе освоена иако само теоретски. Од друга страна Удинезе се бори за опстанок, но се наоѓа во многу подобра позиција од своите конкуренти.
Јуве блиску до деветти трофеј по ред
Јувентус би можел да биде старо-новиот шампион веќе во четврток вечер. Предноста во однос на Интер и Аталанта е голем, особено кога станува збор за Серија А. Во оваа, конечно интересна сезона за разлика од предходните кога Јуве беше шампион на убедлив начин и без конкуренција, сепак повторно истата екипа би требало да се искачи на тронот.
Фудбалерите на Маурицио Сари се чини дека станаа мајстори за преземање на контролата врз играта на старомодниот начин на Јувентус. Се бранат сите заедно, а потоа сите напаѓаат. Сари обрнува внимание буквално на се, а тоа добро се виде и во понеделникот вечерта кога Јуве го совлада Лацио со 2:1. Два брзи гола постигна Роналдо, од кои едниот од пенал, за пред крајот на мечот Имобиле исто така од пенал да ги постави конечните 2:1. Јуве не беше на потребното ниво, но стигна до три бода, а тоа е најважно. Според мене, тие ќе бидат шампиони деветта година по ред.
Роналдо ја брка и титулата за најдобар стрелец
Освен битката за титулата која на некој начин е речиси завршена работа, можеби поинтересна ќе биде битката за најдобар стрелец. Токму тука се Роналдо и Имобиле кои имаат по 30 постигнати голови до сега. Нема сомнеж дека Јуве ќе се обиде да му помогне на Роналдо колку што може, што од друга страна можеби ќе биде и одреден ризик во одредени ситуации. Сите веќе добро го знаеме Роналдо и тој ќе направи се за да биде најдобар стрелец во Италија, но од друга страна Сари и не го признава премногу тоа постигнување. Во секој случај ќе биде интересно да се види како ќе реагира Роналдо во одредени ситуации кога можеби ќе биде подобро да асистира, отколку да шутира кон голот.
Удинезе се наоѓа во добра ситуација
Удинезе има седум бодови повеќе од екипите кои се во зоната за испаѓање од лигата. Тоа е добра позиција за екипата која речиси цела сезона очекуваше борба за опстанок до последното коло. И да не освојат бодови може да опстанат, но за сигурност им се потребни уште неколку бода од последните неколку средби. Немаат победа на три меча по ред, а сега играат против шампионот. Но имаа тежок распоред, пораз од Сампдорија, реми со Лацио и пораз минатото коло од Наполи. Борбата за уште некој бод за опстанок за нив ќе стартува после овој меч, а до крајот играат со Каљари, Лече и Сасуоло.
Be the first to comment