Откако не успеа да ги искористи многубројните шанси на првиот натпревар во Германија, Ајнтрахт Франкфурт патува на Камп Ноу кај Барселона во реваншот од четврт-финалето на Лига Европа во четврток навечер.
Двата тима одиграа забавни 1:1 на Дојче Банк Парк минатата недела, но на овој возвратен дуел домаќинот ја има големата фаворитска улога за пласман во полуфиналето, каде победникот од овој меч ќе игра со Вест Хем или со Лион.
Реваншот во четврток ќе го одбележи првото гостување на Франкфурт на Камп Ноу и додека Франкфурт има серија од девет натпревари без пораз против шпанските екипи, Барселона загуби само двапати дома во 16 средби со клубови од Бундеслигата.
Ајнтрахт Франкфурт во невозможна мисија
Ансгар Кнауф на првиот натпревар минатата недела ги шокираше гостите со голот во 48-та минута. Кога Феран Торес израмни на 1:1 сите очекуваа пресврт, но и покрај фактот што Ајнтрахт играше со играч помалку од 78-та минута по црвениот картон на Тута, резултатот остана непроменет 1:1.
Тимот на Оливер Гласнер одигра одличен меч и беше изгледаше поконкрентно од Барса на тој дуел. На страната на шпанскиот гигант беше само поседот на топката, додека сите останати сегменти на фудбалската игра беа на страната на домаќинот.
Овој дуел не доаѓа во добро време за германците кои имаа пет нерешени средби во серија, пред да загубат изминатиот викенд од Фрајбург на домашен терен со 1:2.
Сепак, најголемиот дел од натпреварите на Франкфурт во нивната негативна серија без победа се одиграа на Дојче Банк Парк, со тоа што клубот од Бундеслигата има само еден пораз на гости на последните девет меча. Освен тоа забележаа три победи од четири меча на гостински терен во Лига Европа оваа сезона, па тоа може да биде мотив плус за нив пред овој меч.
Барса сака титула во Европа
Барселона е непоразена на 15 натпревари во сите натпреварувања. Можеби оној меч во Германија беше еден од послабите под водство на Чеви, кој откако дојде во Барселона ја препороди екипата. Во исто време, мора да се напомене дека на нивна страна е и традицијата кога екипата била во слична ситуација како оваа. Имено Барса е елиминирана само во еден од последните шест европски натпревари кога избегнала пораз во првиот натпревар и тешко е да се замисли како Барса е елиминирана од Ајнтрахт Франкфурт.
Од друга страна, Ла Блауграна го пречекува Франкфурт на теренот каде што сезонава на двата меча до сега не славеше победа во рамки на Лига Европа. Откако испаднаа од групната фаза во Лигата на Шампиони, Барса прво одигра 1:1 со Наполи на домашен терен, па 0:0 со турски галатасарај во минатото коло. Сега сакаат да ја забележат својата прва победа во Лига Европа на домашен терен од 2004 година.
Минатиот викенд Барса одигра тежок меч со Леванте, но на крајот славеше победа од 2:3 и тој меч е добра увертира пред овој дуел во Европа. Впрочем, Барса речиси и да нема шанси да го стигне Реал Мадрид во Ла Лига, па сега нивните најголеми надежи за трофеј се врзани токму со Лигата на Европа.
Be the first to comment