Саутемптон е благ фаворит на гостувањето кај Вест Хем чија единствена предност на овој меч ќе биде домашниот терен. Сето останато е на страната на Саутемптон кој доколку ја повтори играта од минатото коло, ќе дојде до нови три бода.
Вест Хем мора да нападне
Ова е натпревар во кој Вест Хем мора да нападне, мора да се обиде да победи. Последен пат тие победија на 1-ви Јануари, а од тогаш на седум меча во Премиер Лигата имаат пет порази и две ремија со катастрофална гол разлика од 17 примени и само седум постигнати гола.
Дејвид Мојс, на домашен терен најверојатно ќе ја избере формацијата 4-1-4-1 со офанзивни крила, при што со тој систем ќе има за цел да има барем 50% посед на топка.
Тоа треба да значи дека Дклан Рајс ќе игра пошироко, а Роберт Снодграс и Марк Бобл ќе одат повисоко на противничката половина. Но тоа пак ќе остави празнини кои ќе се појавуваат на двете страни од теренот, освен на средината каде Вест Хем ќе биде добро покриен.
Просторот по страничните позиции е уште поголем ако се знае за проблемите на Вест Хем на десната бековска позиција, при што 19-годишниот Џереми Нгакија стартуваше пред Пабло Забалета против Ливерпул во обид да ги реши дел од проблемите со неговата брзина. Младиот фудбалер се справи релативно добро со Садио Мане, но тој имаше помош и од Снодграс. Овој пат тоа нема да биде случај, барем во поголемиот дел од мечот, па јас верувам дека неговата работа ќе биде потешка овој викенд, бидејќи Вест Хем ќе се постави повисоко, сакајќи три бода.
Дјенепо може да биде клучен играч
Од друга страна, главната причина што Саутемптон ја победи Астон Вила минатиот викенд беше тоа што Муса Дјенепо ја пресече и ја неутрализираше целосната десна страна на противникот. Впрочем, трите замени кои ги направи Астон Вила беа на десната страна. Но ниту тоа не помогна премногу. Саутемптон целосно доминираше по левата страна од каде одеа речиси 70% од нападите. Освен тоа класичната формација 4-4-2 на Ралф Хасенхутл во одреден момент се претвори во потесен 4-2-2-2 систем и во тој момент се виде дека Астон Вила нема шанси. Дјенепо заврши со шест дриблинзи и со четири клучни додавања, меѓу кои и една асистенција за гол. Сличен настап на Олимпискиот стадион во Лондон, ќе им ги донесе на гостите сите три бода и во тоа немам никаква дилема, а има причина да верувам во повторување на таа игра од дуелот со Астон Вила.
Be the first to comment