20-то коло во германската Бундеслига ќе стартува во петок со натпреварот меѓу Херта и Шалке во Берлин. Двете екипи си имаат свои предности и амбиции за овој меч и тешко е да се предвиди конечниот победник. Но се очекува офанзивна игра, па затоа очекувам ефикасен меч.
Шалке ќе се вади за катастрофалниот пораз од Баерн минатото коло
Фудбалерите на Шалке сакаат на овој меч да докажат дека поразот од Баерн Минхен минатата недела беше само лош ден. Тимот се наоѓаше во добра серија но доживеа катастрофа губејќи со 5:0, а она што загрижува повеќе од резултатот е нивната игра. Тие беа целосно надиграни, а имаа само 25% посет на топка и можат да бидат среќни што Баерн Минхен пропушти уште неколку одлични прилики за гол.
Четвртиот пораз во сезоната значеше чекор наназад, односно паѓање на шестото место, бидејќи Леверкузен го совлада Дизелдорф и го помина Шалке на табелата.
На девет гостувања, фудбалерите на Давид Вагнер направија прилично добра работа, победувајќи на четири меча, два пати одиграа нерешено а загубија само три пати и тоа од Хофенхајм, Леверкузен и овој пораз од минатата недела од Баерн Минхен.
Добро е тоа што проблемите со повредите кај Шалке навидум завршуваат, со само тројца играчи кои во моментов се на рехабилитација: Бенито Раман, Салиф Сане и Бенџамин Стамбули.
Херта полека но сигурно бега од зоната за испаѓање
Откако имаше катастрофален старт на сезоната, Херта брзо се консолидираше, па сега на последните шест меча во Бундеслигата има само еден пораз и тоа пред две кол од Баерн Минхен со 0:4. Но затоа веќе во минатото коло Херта се врати на победите и тоа кај незгодното гостување во Волфсбург славејќи со 1:2.
Тоа беше шеста победа сезонава за екипата од главниот град, со што фудбалерите на Јирген Клинсман полека но сигурно успешно се дистанцираат од зоната за испаѓање. Тие го скокнаа Келн и се искачија на 13-то место на табелата во Бундеслигата, на пет поени подалеку од загрозениот Вердер.
Но се чини дека Херта има проблем кога игра во Берлин. Од почетокот на октомври минатата година, Херта има победено на само еден натпревар на Олимпија стадионот. Но релано, тие имаа пеколен распоред и играа дома против Хофенхајм, Лајпциг, Дортмунд, Менхенгладбах, Фрајбург и Баерн Минхен.
Нема сигурни отсуства во Херта, но има неколку фудбалери кои се под знак прашалник и тоа Карим Рекик, Владимир Дарида, Арне Мајер и Томас Крафт.
Be the first to comment