Дербито на 22-то коло во англиската Премиер Лига ќе се одигра на Хутспур стадионот во Лондон каде Тотенхем е домаќин на Ливерпул. Овој меч привлекува внимание од секоја гледна точка и вистинските љубители на фудбалот не смеат да го пропуштат.
Мурињо не е омилен лик меѓу навивачите на Ливерпул
Кога Ливерпул ја бркаше титулата во Премиер Лигата под водство на Брендан Роџерс во 2014 година, нивниот пораз на домашен терен од 2:0 против Челзи на Жозе Мурињо ја дефинираше таа сезона.
Тој момент ја објасни суштината на Мурињо, а тој даде изјава која ги ги фрустрираше и уништи црвените. Тој им го расипа славјето на Црвените, но уште полошо беше што тој им се ситеше поради тоа. Од таму, разбирливо е зошто Мурињо е толку негативен лик кај речси сите навивачи на Ливерпул. Но сега, оваа екипа има шанса да му врати на Мурињо кој никако не може да го извади Тотенхем на прав пат, а пак Ливерпул моментално е без пораз во лигата и веќе ја слави првата титула во Премиер лигата од 1990 година.
Мурињо со еден куп проблеми
Напаѓачот на Спарси, Хари Кејн е исклученнадвор од стројот и нема да може да се врати на теренот некаде до Април, откако се повреди во неодамнешниот пораз од 1:0 кај Саутемптон. Играчот од средниот ред Муса Сисоко ќе помине слично време надвор од теренот по операцијата на коленото, а Танги Ндомбеле се уште се бори со својата физичка спремност. Тотенхем има победено на само два од последните пет натпревари, но повторно не е далеку од најдобрата четворка и заостанува само со 6 бода од четвртиот Челзи.
Сепак, домашниот терен ќе биде веројатно единствената предност за тимот на Мурињо. Кога Тотенхем игра дома може да слави против секого и во секое време.
Ливерпул како од друга планета
Постои очигледна немилосрдност од Ливерпул кон останатите премиерлигаши оваа сезона, бидејќи тие со леснотија ги прескокнуваат пречките што стојат меѓу нив и титулата во Премиер Лигата.
Многумина мислеа дека физичките барања во борбата за титулата на Светскиот куп во Доха во густиот празничен период ќе си го земе својот данок, но тоа не се случи. Не само што Ливерпул ги победи сите свои натпревари во текот на Божиќ и Нова Година, туку тие го сторија тоа без да примат ниту еден гол и едвај направија мали промени во својата постава. На постарите играчи им беше даден одмор само во ФА Купот против Евертон, а децата кои настапија на тој меч сепак славеа победа.
Тренерот на Ливерпул, Јирген Клоп на неверојатен начин го одржува фитнесот во тимот, а тоа се исплаќа постојано.
Уште еднаш, клучните играчи на тимот се покажаа како неверојатно издржливи – Садио Мане, Мохамед Салах и Роберто Фирмино пропуштија само четири натпревари во лигата оваа сезона, додека Вирџил ван Дијк беше постојано присутен, а офанзивните бекови Ендру Робертсон и Трент Александар-Арнолд едвај одморија до сега.
Be the first to comment