Лестер е домаќин на Арсенал во еден од најинтересните натпревари од саботната програма во Премиер Лигата. Домаќинот е во одлична форма, а веќе и не ги крие своите големи амбиции. Од друга страна Арсенал е големо разочарување и игра во слаба форма, а Емери е под неверојатен притисок и од раководството на тимот и од навивачите.
Лестер игра како во своите шампионски денови
Лестер игра како во своите шампионски денови од пред неколку сезони. Онаа победа минатото коло на гости кај Ктисрал Палас беше само потврда на нивната одлична форма. Победата пак пред тоа од неверојатни 0:9 на гости кај Саутемпто, не само што беше рекорд, туку ги дигна во облаци амбициите на овој тим. По тие две победи на гости, Лестер конечно се враќа на домашен терен пред своите навивачи, а тие со нетрпение го очекуваат овој меч за да им искажат почит, респект за рекордот. Лестер е трет на табелата со седум победи и по два порази и ремија и јасно стави до знаење дека сезонава не се плаѓи од никого.
Освен тоа, Лестер го има вториот најдобар напад во лигата по нападот на Сити со 27 голови или два повеќе од лидерот Ливерпул. Се на се, јасно е дека Лестер веќе е сериозен кандидат за да заврши меѓу најдобрите четири екипи во Англија кој следната сезона ќе играат во Лигата на Шампиони.
Роџерс создаде неверојатна хомогеност
Џејми Варди игра како во своите најдобри денови и е прв стрелец со 10 голови на 11 натпревари досега. Чаглар Сајунчу пак е одкритие на сезоната, или подобро кажано откритије на Роџерс. Минатата сезона турчинот одигра само шест натпревари, но сезонава ги одигра сите натпревари досега и станува незаменлив дел од одбраната на Лестер. Бен Чивел пак со своите игри на левата бековска позиција веќе дебитираше и за сениорската репрезентација на Англија со своите 22 години.
Во средниот ред Ндиди игра речиси на исти рамниште како што играше Канте кога Лестер стана шампиони, а пак Мадисон и Тилеманс се надополнуваат во офанзивниот дел на неверојатен начин.
Брендон Роџерс направи одлична хомогеност во екипата, ги најде идеалните 11 фудбалери и идеалната формула за успех, па сега останува само да продолжи со исто ниво и успехот ќе биде загарантиран.
Емери под притисок од сите страни
Се она што важи за Лестер сезонава, кај Арсенал е спротивно. Унаи Емери се чини дека веќе ја прифати можноста за негова смена, нешто што се шпекулира цел месец. Овој меч ќе биде негов јубилејни 50-ти во Англија, но доаѓа во незгоден момент. Три меча Арсенал нема победа, забележувајќи пораз од Шефилд и две ремија по ред на домашен терен со Кристал Палас и Вулверхемптон. Освен тоа, во тимот владее и негативна атмосфера, особено по одземањето на капитенската лента на Гранит Џака.
Емери врши добра работе сезонава едиснтвено со ротацијата на фудбалерите дома и во Европа. Но релано, во Лигата на Европа нема сериозни противници и може да си го дозволи тоа. Но зачувиувањето на свежината досега не донесе никаков резултат, во однос на своите конкуренти.
Аубамејанг е стандарден и игра добро досега постигнувајќи 8 голови, но тој досега немаше помош од Лаказет. Позитивна работа е враќањето во тимот на Озил. Тој одигра веќе два меча во Премиер Лигата и сега ќе биде стартер, а Емери се надева дека со него во тимот ќе се раздвижи средниот ред кој досега беше анемичен.
Be the first to comment