Премиер Лига 10-то коло: Најава, анализа и предлог типови

Премиер Лига

Викендов во англиската Премиер Лига на програмата се натпреварите од 10-то коло. Има неколку интересни средби за следење и за типувања, а дербито е во недела кога во Ливерпул, гостува разнишаниот Тотенхем.

Саутемптон – Лестер – ГГ

Гостите се фаворити на овој натпревар и во тоа нема никаква дилема. Лестер со своите игри потсетува на оние шампионски денови од пред неколку години. Се наоѓа на третото место и игра одлично. Саутемптон како по обичај и сезонава ќе се бори за опстанок во лигата. Нивната негативна серија во моментов е три порази во низа и едно реми на последниот меч против Вулвс. Но и покрај таа серија, Саутемптон постигнува барем по еден гол на секој меч. Затоа мојот предлог е ГГ со коефициент 1.70 во Bet365.

Манчестер Сити – Астон Вила – 1-1

Нема што премногу да се пишува за овој натпревар, или за двете екипи кои играат меѓусебе. Сити е апсолутен фаворит и се е на страната на овој тим. Астон Вила бодовите за опстанок треба да ги бара против екипи од својот ранг или на домашен терен. Предлагам да одиграте 1-1 со коефициент околу 1.40 во 1хBet.

Брајтон – Евертон – 2

Какви само амбиции имаше Евертон пред стартот на сезоната. Но наместо исполнување на амбициите кои беа излез во Европа, тие се на 15-то место. Да не беше победата минатото коло над Вест Хем, тие ќе беа во зоната на испаѓање. Брајтон има бод помалку од Евертон, но нивната цел е опстанок. Ќе биде ова интересен меч, а јас верувам дека гостите конечно ќе направат серија позитивни резултати, бидејќи секако имаат квалитет за такво нешто. Ќе ризикувам и ќе одиграм двојка со коефициент 2.60 во Bet365.

Ватфорд – Бурнемут – ГГ

Два меча во серија Ватфорд не загуби. Тоа е најдобрата серија на овој тим оваа сезона – две ремија по ред. Дали е време конечно за првата победа сезонава ? Тешко прашање, на кое јас немам одговор. Тимот е доволно квалитетен да биде во горниот дел од табелата, но наместо тоа, тоне ли тоне. Бурнемут пак е на златната средина со по 3 победи, ремија и порази и покрај тоа што нема победа на три меча по ред. Често овие екипи играле ефикасни натпревари меѓу себе, па затоа предлагам ГГ со коефициент 1.59 во 1хBet.

Вест Хем – Шефилд – 1

Домаќинот сезонава може да слави победа против секого, но може и да загуби од секого. Нешто слично важи и за Шефилд кој во минатото коло славеше победа над Арсенал дома со 1:0. Двете екипи се една до друга на табелата, па јасно е дека ова ќе биде неизвесен меч. Но освен домашниот терен, предноста на Вест Хем ќе биде и квалитетот. Очекувам нивна победа со коефициент 2.10 во Bet365.

Барнли – Челзи – 2

Конечно тимот на Лампарт влезе во победничка серија и не само во Премиер Лигата, туку и во Лигата на Шампиони откако во средата славеше над Ајакс во Амстердам. Серијата е веќе седум победи по ред во кои примија само два гола. Онаа филозофија која ја наметна Лампарт на стартот на сезоната вроди со плод и сега апетитите пораснаа па не се размислува на ништо друго, освен на победа на овој меч. Но и Барнли е добар сезонава и важи за екипа која е тешко да се победи, особено кога игра дома. Сепак, сметам дека Лампарт ќе зготви добар план за три бода и предлагам да одиграте на Челзи со коефициент 1.79 во 1хBet.

Њукасл – Вулверхемптон – Х

Вулвс влезе во позитивна серија во Премиер Лигата, но веќе е јасно дека тимот не е кадарен да игра подеднакво квалитетно на два фронта, дома и во Европа. Нивниот замор е се поочигледен и тоа би требало да се осети и на овој меч. Вулвс да беше домаќин ќе одиграв единица без размислување, но сега не. Њукасл имаше тежок распоред и одигра два меча во серија против Јунајтед и Челзи, а освои три бода против тимот на Солскер. Очекувам голема неизвесност и би било добро да го немате овој меч на вашите тикети, но ако го одиграм би одиграл Х со коефициент 3.20 во 1хBet.

Арсенал – Кристал Палас – ГГ

Букмејкерите го прецениле Арсенал, или пак го потцениле Кристал Палас. Да, Арсенал е фаворит во секој случај, но коефициентот за нивна победа е премал. Тие имаат само бод повеќе од својот противник кој е веднаш до нив на табелата. Освен тоа Арсенал во четвртокот играше натпревар во Лигата на Европа, а гостите имаа цела недела да се подготвуваат за овој дуел. Арсенал би требало да победи, но коефициентот за тоа не е вреден за ризикување па јас ќе одиграм ГГ со коефициент 1.67 во 1хBet. Впрочем, на предхондите 10 меѓусебни средби само две не завршиле со ГГ.

Ливерпул – Тотенхем – 1

Дојдовме до дербито на колото, но како играат двете екипи досега, не би рекол дека треба да очекуваме голем дерби меч. Ливерпул е неверојатен и се наоѓа во супер форма. Конечно во минатото коло киксна и освои само бод кај Манчестер Јунајтед, но сеуште имаат предност од 6 бода во однос на Сити. Тотенхем пак ја игра својата најслаба сезона во последните неколку години. Проблемите во соблекувалната на тимот, си го земаа својот данок, а онаа победа над Црвена Звезда од 5:0 во вторникот, не би требало да ги промени нештата. Очекувам победа на Ливерпул со коефициент 1.55 во 1хBet.

Норвич – Манчестер Јунајтед – 2

Јунајтед е на 14-то место на табелата и е најголемо разочарување оваа сезона. Солскер е на излезна врата од тимот и потребна му е победа на овој меч – победа и ништо друго. Одиграа добар натпревар против Ливерпул минатото коло и освоија еден бод, но немаат победа на 4 меча во серија во Премиер Лигата. Но таква серија има и Норвич, кој по добриот старт има голем пад во своите игри. Ова е добра шанса за Солскер конечно да се врати на победите, а коефициентот за тоа е 1.85 во 1хBet.

Be the first to comment

Leave a Reply

Your email address will not be published.


*