Македонија по само три дена по поразот од Полска е домаќин на уште еден фаворит во квалификациската група за пласман на ЕП. Овој пат на гости во Скопје доаѓа Австрија која тргна лошо во квалификациите, но во Скопје допатува по победата над Словенија и со зголемена самодоверба.
Дуел кој е можеби од најголема важност во квалификациите
Дуелот против Полска беше доста важен, но овој меч против Австрија веројатно е најважен во овие квалификации. Со победа амбициите за пласман на ЕП ќе бидат уште поголеми, но и пореални. Но со пораз шансите ќе бидат мали иако ќе постојат. Но во тој случај ќе треба да бркаме победи на гости во Полска и Австрија, а кога од нив веќе сме загубиле дома не е реално да очекуваме бодови на гости. Но за победа ќе треба да бидеме многу подобри отколку со Полска. Не дека Македонија не беше добра на тој меч, но немаше завршен пас, а тоа е нешто што е најважно на зелениот терен. Имаме посед на топка, имаме комбинаторика и трчавме повеќе од полјаците бркајќи ги по целиот терен. Но кога требаше да го дадеме завршниот удар, немавме идеа. Тоа не смее да се случи против Австрија доколку сакаме три бода од тој меч.
Полска ја прекина позитивната серија
Победата над Летонија со 3:1 и ремито во Словенија 1:1, ќе бидат залудни доколку Македонија доживее два порази во низа од фаворитите во групата на домашен терен. Но не би требало поразот од фаворитот број еден во групата Полска да не тресне од земја. 15 натпревар и само два порази за Македонија е импресивен рекорд. Низата започна од гостинската победа од 0:1 против Израел во Хаифа. Од тогаш Македонија има уште 9 победи против (Израел, Лихтеншнтајн на три пари, Норвешка, Гибралтар два пати, Ерменија и Летонија), пет ремија (Албанија, Италија, Финска, Азербејџан и Словенија) и два порази против Ерменија на гости и овој последниот од Полска. Македонија никогаш досега немала подобра серија и тоа мора да се искористи како дополнителен мотив, но и за зголемување на самодовербата пред дуелите во септември.
По долго време Македонија не постигна гол
Штета што Македонија не постигна барем еден гол против Полска. О тоа е прекината неверојатната низа од официјални квалификациски дуели на кои се постигнува барем по еден погодок. Последен пат кога Македонија не успеала да запише гол на квалификациски дуел е на 12-ти ноември 2016 година во поразот од Шпанија на гостински терен. Воедно, тоа беше и единствениот натпревар од десетте во квалификациите за СП 2018 во кој Македонија не постигна гол. Од тогаш, дури сега одбраната на Полска успеа да ги спречи македонските напаѓачи, но со Австрија треба да проработи нападот и да докаже дека таа голгетерска низа не била случајна.
Муслиу сигурно не игра, Елмас под знак прашалник
Селекторот Игор Ангеловски се соочува со големи проблеми пред дуелот со Австрија. Сигурно нема да игра дефанзивецот Висар Муслио поради добиениот црвен картон против Полска. Ако се знае дека токму Муслиу е еден од најдобрите во дефанзива на последните десетина натпревари во Македонија, тогаш јасно е дека тоа ќе биде огромен инус за селекцијата. Добра вест за Македонија е што Стефан Ристовски е фит и ќе може да помогне, но од друга страна поинаква е ситуацијата со Елиф Елмас. Тој заработи повреда при еден старт на доелот со Полска и има хематом на ногата.
-Ристовски со сигурност ќе настапи затоа што се работеше за грчеви на мускулите, а за Елмас ако зборуваме процентуално, 70 се дека нема да игра, а 30 дека ќе настапи. Тој има оток на скочниот зглоб, откри селекторот Игор Ангеловски.
Неиграњето на Муслиу и Елмас ќе значат и одредени промени во тимот, но не и во формацијата. Местото на Муслиу во одбраната ќе го заземе Кире Ристевски. Местото на Елмас доколку се потврди дека тој нема да миже да настапи ќе стартува Аријан Адеми.
Да извлечеме поука од натпреварот Израел – Австрија
Австрија тргна катастрофално во квалификациите и забележа две стартни победи. Прво загуби на домашен терен од Полска со 0:1, а потоа неочекувано доживеа висок пораз од Израел на гости со 4:2. Токму од тој меч против Израел, Македонија треба да научи многу. Австрија го диктираше темпото и се чинеше дека ја контролира играта особено што водеше уште од 8-та минута.
Сепак Израел направи пресврт во последните 10 минути од првиот дел, а во второто полувреме со уште два гола ја потврди победата. Арнаутовиќ стрелаше на два пати за Австрија и токму од него доаѓа најголемата опасност кон голот на Столе Димитриевски. На последниот меч пак пред неколку дена Австрија ја забележа првата победа во квалификациите. Славеше против Словенија со 1:0, па сега најавува победничка серија која би започнала токму во Скопје.
Македонија ќе игра против Лајпциг и Салзбург
Австрија игра типичен германски фудбал. Како да биде поинаку кога речиси целиот тим игра во Германија. Средниот ред на австријците им е неверојатен и тие можеби се најдобри во тоа поле во оваа квалификациска група. Лаимер и Сабитзер се неверојатен тандем кој се познава многу добро. Играа заедно во Салзбург, а сега се незаменливи во германски Лајпциг. Третиот играч во средината доаѓа од Салзбург и тоа Шлагер кој е еден од најголемите австриски таленти во моментов.
На крилата дејствуваат Лазаро од Херта кој имаше одлична сезона и кој летово дефинитивно ќе направи странсфер во поголем тим. На другата страна е Алаба, но тој поради повреда нема да настапи на овој меч и Македонија може да биде среќна поради тоа. На негово место веројатно ќе настапи Каинз од Келн. Арнаутович е незаменлив во нападот. И одбраната е солидна и покрај тоа што прими пет гола на досегашните дуели. Драгович од Леверкузен и Хинтерегер од Ајнтрахт се последен бедем пред Линднер, додека на бековските позиции играат Лаинер и Улмер.
Наш предлог:
Be the first to comment