Челзи е домаќин на Ливерпул во дербито на 6-то коло во англиската Премиер Лига. Гостите се фаворити, но кога во прашање е Челзи сезонава никогаш не можеш да бидеш сигурен. Ќе следиме интересен меч со отворена игра од двете страни, а кога се игра така доаѓаат и головите.
Лампарт со еден куп кредити од Абрамович
Ерата на Роман Абрамович во Челзи донесе вистински бум, па резултатски пад, па повторно одлични резултати, а потоа гнев со политичка позадина. Но највпечатливо е тоа што Абрамович нема премногу трпение кога во прашање се менаџерите. Тој беше разочаран што Челзи не извади добар фудбалер од својата младинска школа, но како да блесне некои од тие фудбалери кога менаџерите се под голем притисок.
На крај, работите можеби ќе се сменат. Сигурно никој нема повеќе кредити во Челзи од Френк Лампард, легендата на тимот која сега има одврзани раце да форсира фудбалери од младинскиот во првиот тим. Досега не му оди лошо. Сезонава дебитираа неколкумина младинци и речиси никој не разочара ( на страна резултатите ).
Овој пристап веќе донесе дивиденда. Мејсон Монт имаше блескави моменти и беше експресно катапултиран во првиот тим на Англија. Фикајо Томори е се подобар и подобар во одбраната, а Тами Абрахам веќе постигна седум гола на последните три настапи во Премиер лигата. Можеби најважно од сè, промената таа филозофија го убеди надарениот крилен напаѓач Калум Хадсон-Одои да потпише нов долгорочен договор.
Проблемот на Челзи е во одбраната
Таквиот пристап речиси секогаш предизвикува некои удари врз резултатите. Освен тоа не треба да заборавиме дека Лампард е само во својата втора сезона како менаџер. Челси играше побрзо од вообичаено, но тие исто така изгледаат наивно и ранливо во одбраната.
Тимот од западен Лондон веќе прими 11 голови сезонава, но толку и постигнаа. Во вторникот тие направија доволно шанси за да ја совладаат Валенсија на „Стемфорд Бриџ“ во Лигата на шампионите, но не успеаја д апостигнат гол, а примија гол и загубија со 0:1. Тој пораз беше првиот на Лампард како тренер на „Стемфорд Бриџ“. На ова можеме да го доддеме и киксот против Шефилд кога Челзи испушти водство од 2:0, но и оној пораз на гости кај Манчестер Јунајтед од 4:0 на почетокот на сезоната.
Импресивниот Монт би можел да го пропушти овој меч поради повреда на глуждот која ја заработи против Валенсија, но Лампард вели дека напредува добро. Од друга страна се очекува враќање на теренот на Н’Голо Канте кој паузираше поради повреда.
Црвените сакаат да го заборават кошмарниот Неапол
Втората сезона по ред, Ливерпул во првото коло од Лигата на Шампиони доживува пораз. Сега загуби од Наполи со 2:0, но така беше и минатата сезона па црвените на крајот се радуваа на титулата. Тоа беше првото разочарување сезонава за Ливерпул.
Во Премиер лигата, „црвените“ на Јирген Клоп досега беа беспрекорни, освојувајќи ги сите пет натпревари. Тие постигнуваат барем по два гола во сите тие победи, а имаат примено само четири гола. По ова, Ливерпул изгради предност од пет поени над шампионот Манчестер Сити во трката за титулата, иако екипата на Пеп Гвардиола се уште е фаворит за освојување на лигата според букмејкерите.
Клоп веќе еднаш го совлада Франк Лампард оваа сезона, откако Ливерпул го совлада Челси на пенали во Суперкупот на УЕФА во Истанбул, а од тој меч неговиот тим покажа воодушевувачка постојаност. Тие го израмнија победничкиот рекорд во Премиер Лигата со 14 победи во серија (клупски рекорд), а статистиката покажува дека изгубиле само еден од последните 44 натпревари дома. Исто така, вреди да се напомене дека тие освоија пет од нивните последни 11 натпревари во Премиер Лигата на „Стемфорд Бриџ“.
Голманот Алисон и Наби Кеита веројатно ќе го пропуштат и овој натпревар на Ливерпул.
Be the first to comment