Колумбија – Парагвај, меч кој пивлекува големо внимание. Колумбијците се лидери во групата и тоа место им е загарантирано без разлика како ќе заврши мечот. Но ако Парагвај сака во следната фаза, мора да слави победа на овој меч.
Најдобрите ќе одмараат, но Колумбија е повторно силна
Колумбија веќе се пласираше во елиминациската фаза на Копа Америка. Тие славеа две победи во воведните две кола и тоа над Аргентина и Катар. И не само што обезбедија пласман понатаму, туку сигурно ќе завршат на лидерската позиција во групата, без разлика на исходот од мечот против Парагвај. Тоа пак значи дека Квеирош ќе комбинира со ростерот на играчи. Оние главните играчи кои го понесоа товарот на првите два меча ќе одмараат, а шанса ќе добијат оние кои беа на клупата.
И сега веднаш сите ќе речат “Колумбија ќе игра со втор тим, а Парагвај мора да победи ако сака во следна фаза па да играме на нивна победа”. И донекаде сите тие ќе бидат во право, но само делумно. Составот на Колумбија е полн со квалитет во сите линии. Тоа е факт и тој факт е непобитен. Тие имаат по двајца фудбалери на сите позиции речиси со подеднаков квалитет. Можеби ќе бидат малку ослабени, но не до толку голема мера како што оддалеку изгледа.
Квеирош знае како да одигра на вакви турнири
Новиот менаџер Карлос Квеироз има многу големо меѓународно искуство. И покрај тоа што неговото искуство е далеку од Јужна Америка, се чини дека имаше доволно време да ги склопи коцките. Квеироз во целост го надмудри својот аргентински колега Скалони, а потоа без голема брзина победи и со Катар. Тој дури и на тој меч ротираше, па Фалкао стартуваше од клупата. Оваа Колумбија според мене е во топ три фаворитите за освојување на шампионатот. Тоа го повторувам веќе неколку пати и Колумбија тоа би требало да го докаже и со Парагвај. Освен квалитетниот состав, токму Квеирош е најголемо засилување на тимот, а тој многу добро знае како да игра на турнири како овој.
Парагвај мора да нападне
Парагвај е втор во групата откако на два пати ремизираше, прво со Катар 2:2, па со Аргентина 1:1. Ремито со Катар беше дочекано како шок во земјата и веднаш репрезентацијата беше отпишана од шансите за пласман во следната рунда. Сепак, Катар е одличен тим и јас го најавив ремито со Парагвај. Но затоа по ремито со Аргентина, очајот беше претворен во еуфорија и сега сите очекуваат уште еден добар меч и пласман во следната фаза. Јасно е дека ќе биде тешко, без разлика со кој тим ќе истрча Колумбија, но тие имаат бод повеќе од Аргентина, ќе нападнат, но и ќе се надеваат дека Катар ќе приреди уште една одлична фудбалска претстава и нема да загуби од Аргентина.
Парагвај со нов селектор со одлична биографија
Како и многу други тимови на Копа Америка, така и Парагвај на турнирот дојде со нов менаџер. Новиот селектор, Едуардо Беризо има возбудлива биографија (тој беше помошник на Марсело Биелса во селекцијата на Чиле и имаше добар момент во Ла Лига со Селта Виго). Сепак се чини дека немаше доволно време да се запознае со своите фудбалери, да создаде селекција по свој вкус и да ги имплементира своите идеи. Тој беше предводник на четири дуели пред турнирот во кои забележа два порази, реми и победа, онаа последната во подготовките над Гватемала со 2:0. Но по ремито со Аргентина сега најави дека ќе фрли се на една карта, а тоа е напад и победа.
Компурентноста на напаѓачите е главно оружје на Парагвај
Парагвај сеуште највеќе верува во Оскар Кардозо, поранешниот фудбалер на Бенфика кој сега игра во Либертад. Тој е првата виолина на тимот и со неговата компурентност секогаш е опасност за противниците. Но тука е и вториот напаѓач Сантандер, кој е подеднакво компурентен како и Кордозо и кој имаше одлична сезона во дресот на Болоња. Имаат и одлична одбрана предводена од Алонсо од Бока и Гомез од Палмеирас. Ако на овие се додаде средниот ред во кои играа фудбалери од Премиер Лигата и Ла Лига, тогаш можеме да заклучиме дека се работи за солиден тим. Ако одиграат на истото ниво како против Аргентина, тогаш се е можно на овој меч.
Наш предлог:
Be the first to comment