Барселона почнува како фаворит во полуфиналето на Лигата на шампионите, но Ливерпул е способен да ги елиминира. Во моментов, тактички гледано тие имаат добри шанси против тимот на Ернесто Валверде. Но, Ливерпул се бори за титулата и во Премиер Лигата, а Барса пак е мирна кога е во прашање Ла Лига.
Меси и средниот ред се главните предности на Барса
Сепак, тактиката понекогаш може да биде во втор план и на некој начин небитна – бидејќи во овој случај Барса го има Лео Меси во своите редови. Ако аргентинецот одигра во својата најдобра форма на овој меч, тој ќе го направи секој тактички план речиси ирелевантен.
Во моментов Валверде го користи Меси на повеќе позиции. Во последните неколку дуели игра на десната страна, но повремено се префрла зад напаѓачит. Често, Меси лебди внатре меѓу просторот помеѓу линиите на противничките дефанзивци. Тој останува господар во секој поглед на фудбалската игра. Постигна 10 гола во Лигата на шампионите оваа сезона и го подобри својот слободен удар со што секогаш постои опасност кога е топката во негов посед. На некој начин, тој е едноставно незапирлив. Клоп е свесен за тоа, но е и свесен дека неможе да постави игра против која Меси не може да игра. Доколку целонсо се насочи кон негово запирање, тогаш постојат и други опасности по голот на Ливерпул.
Другата област каде што Ливерпул не може да се натпреварува со Барса е во играта на средниот ред. Серхио Бускетс е неприметлив, но неговата смиреност кога во негов посед е топката и неговата способност да поминува неочекувано низ редови е многу вредна. Иван Ракитиќ може со еден пас да создаде одлична можност за своите напаѓачи и неговата игра е од витална важност за играта на Лео Меси.
Има дилеми во изборот на Валверде за првите 11
Третиот играч од средниот ред покрај Бускетс и Ракитиќ најверојатно ќе биде Артур. Тој е уште еден многу флексибилен фудбалер кој ќе го фрустрира Ливерпул со неговата дистрибуција на топки. Артуро Видал е уште една опција која би донела повеќе енергија и борба. Реално, против Ливерпул ќе треба еден така борбен фудбалер во средниот ред па нема да биде изненадување и ако стартува чилеанецот.
Валверде има два други прашалници и дилеми во изборот на првиот тим. Едната е на десната страна каде брзината на Нелсон Семедо може да се претпочита во однос на опцијата на Серџи Роберто, кој пак игра подобро во дефанзива. На другиот крај на теренот, прашање е кој ќе игра заедно со Меси и Луис Суарез во нападот.
Кутињо би сакал да започне против неговата поранешна екипа и тој ќе биде крајно мотивиран на овој меч. Но, директноста на Усмане Дембеле може да функционира добро на овој меч, бидејќи Трент Александар-Арнолд понекогаш знае да остави празен простор позади себе. Сепак, Кутињо би бил подобар избор за преклопување со левиот бек.
Суарез, се разбира исто како и Кутињо ќе биде дополнително мотивиран против екипата каде прерасна во екстра играч. Очекувајте дека ќе гледаме една голема борба од негова страна со Џоел Матип и Вирџил ван Дијк.
Познат почетниот состав на Ливерпул
Јирген Клоп има помалку прашалници во изборот на првиот тим. Алисон ќе игра зад последната четворка составена од Александар-Арнолд, Матип, Ван Дијк и Енди Робертсон. Крилните бекови се одговорни за поголемиот дел од креативноста на Ливерпул оваа сезона, но тие би можеле да играат повнимателно на Камп Ноу.
Триото на средниот ред Фабињо, Хендерсон и Кеита нудат огромна енергија и издржливост. Но можеби тие нема да можат да се справат со играта на Барса, особено во второто полувреме кога ќе им треба повеќе трчање од вообичаено.
Клоп ќе се обиде да го преслика Симеоне
Очекуваме Ливерпул да почне со високо темпо, но потоа постепено да се повлекува на својата половина како би се зачувала дел од свежината. На некој начин, Клоп би требало да ја преслика играта на Симеоне и Атлетико. На периоди да напаѓа и да игра пресинг, а потоа да се повлекува се со цел освежување на фудбалерите. Ако Ливерпул успее да ја наметне оваа игра, брзината на нивните три напаѓачи ќе биде главен фактор. Роберто Фирмино ќе се повлекува длабоко за да ја поврзе играта и да ги охрабри играчите од средниот ред да одат понапред, оставајќи ги Мохамед Салах и Садио Мане да нападнат од страничните позиции. Всушност, ликот на предните три натпревари на Ливерпул е донекаде сличен со пристапот на Барса кој се користеше во деновите на Пеп Гвардиола – лажна деветка со два крилни напаѓачи кои трчаат непрекинато.
Наш предлог:
Победа на Барселона @ 1.95 во 1хBet
Be the first to comment