На стадионот Олимпико во Рим, додека Лацио ќе го пречека Интер на отварање на третото коло во Серија А, во петок навечер.
Две од најдобрите екипи во Серија А играат во главниот град, при што домаќините освоија четири бода од нивните први два натпревари, а гостите имаат максимални шест бода.
Лацио сака враќање во Топ 4
Тешкото реми без голови од Торино во нивниот втор натпревар од новата сезона, беше негативен резултат за Лацио минатото коло.
Откако ја обезбеди победата во воведниот натпревар против Болоња и покрај тоа што играа со 10 играчи во поголемиот дел од натпреварот, Сари со Лацио сега се обидува да дојде до две последователни домашни победи на почетокот на сезоната за прв пат од 2015 година.
Лацио заврши на петтото место минатата сезона, откако радикално го промени својот стил под новото раководство и овојпат сака пласман во Лигата на Шампиони догодина.
Лацио е без пораз во последните три домашни натпревари против Интер во Серија А – победувајќи двапати, па сега Бјанкочелестите се подготвени да се справат со една од нивните најтешки задачи оваа година.
Тест за можностите на Интер оваа сезона
Пет гола постигна Интер на првите два сезонски натпревари. Откако славеа многу потешко од очекувањата против Лече на стартот на сезоната, првиот домашен натпревар на Интер во новата кампања заврши спокојно, со победа над Специја од 3:0 во Милано.
По два релативно едноставни натпревари за почеток на сезоната, во која тие се обидуваат да ги соборат своите градски ривали и да го вратат Скудетото, Интер е подготвен за патување во главниот град што треба целосно да ја тестира нивната моќ.
Можеби победија на секој од нивните последни три гостувања во Серија А, но допрва треба да победат четири меча на гости по ред под водство на Инзаги – последната таква серија беше под водство на Антонио Конте, помеѓу Февруари и Април 2021 година, на патот до титулата.
Откако ги победија Лече и Специја, избраниците на Инзаги имаат 10 победи од последните 11 меча во Серија А, па пристигнуваат на Олимпико полни со самодоверба дека можат да го одржат својот совршен почеток и да извршат притисок врз нивните најблиски ривали викендов.
Тимски новости: Лацио
Маурицио Сари, мора да одлучи дали ќе продолжи со поранешниот играч на Интер, Матиас Вечино во средниот ред, или наместо тоа, ќе ги врати Тома Башиќ или Луис Алберто во првата 11-ка. Без сомнение, Сергеј Милинковиќ-Савиќ ќе игра против својот омилен противник во Серија А, откако постигна пет гола во последните седум натпревари против Интер.
Можен стартен состав на Лацио: Проводел; Лазари, Ромањоли, Патрик, Марушиќ; Вечино, Каталди, Милинковиќ-Савиќ; Педро, Имобиле, Закањи
Тимски новости: Интер
Поранешниот фудбалер на Лацио – Хоакин Кореа повторно ќе се соочи со познати лица во Рим, но ќе започне на клупата, бидејќи Симоне Инзаги има целосна доверба во партнерството Лу-Ла на Ромелу Лукаку и Лаутаро Мартинез.
Можен стартен состав на Интер: Хандановиќ; Шкриниар, Де Вриј, Бастони; Дамфрис, Чалханоглу, Брозовиќ, Барела, Димарко; Мартинез, Лукаку
Очекување:
Клубот кој сега го тренира Маурицио Сари се соочува со Интер на Симоне Инзаги, а Инзаги како поранешен шеф на Лацио се враќа во престолнината откако обезбеди 108 победи од 197 натпревари во Серија А за време на неговиот престој на Олимпико. Поради тоа, но и поради Сари, па и поради амбициите и историјата меѓу двете екипи, овој меч привлекува огромно внимание во Италија, па и пошироко. Ќе следиме еден доста интересен дуел, а ако судиме според традицијата тогаш треба да очекуваме и голови.
Имено, на последните пет натпревари меѓу овие две екипи секогаш паѓале голови и на двете страни, па мислам дека таков ќе биде случајот и овој пат. Сепак, фаворитската улога му ја препуштам на Интер и мислам дека оваа екипа е поблиску до победата.
Be the first to comment