Тешко дека некој би го предвидел полуфиналето на Лигата на Шампионите помеѓу Тотенхем и Ајакс на стартот натпреварувањето оваа сезона. Но двете екипи се наоѓаат во оваа фаза сосем заслужено. Тотенхем ги елиминираше Дортмунд и Манчестер Сити во нокаут фазата, додека Ајакс беше подобар од Реал Мадрид и Јувентус.
Спарс има сериозни проблеми со повреди и суспензии
Спарс влезе во полуфиналето од Лигата на Шампионите на чуден начин и загубени седум од последните 13 натпревари во сите натпреварувања.
Повредите и суспензиите сега го земаат својот данок. Напаѓачот Хари Кејн продолжува да ја влече повредата на зглобовите, а фудбалерот кој веројатно најдобро може да го замени Хеунг-мин Сон е суспендиран за овој натпревар.
Во средината на теренот, Хари Винкс ќе биде отсутен поради повреда на препоните, додека сличен проблем има и Муса Сисоко, играч кој е еден од најдобрите во последниот период. Тоа се неколку клучни играчи што недостасуваат за овој дуел, а тоа е огромен проблем за Покетино.
Јан Вертонхен повторно ќе се вклопи во првите 11, додека Киеран Трипиер, Виктор Вањама и Фернандо Љоренте се очекува да играат. Сите тие останаа надвор од стартот тим во домашниот пораз во саботата од Вест Хем.
Покетино не очекуваше толкав број на натпревари сезонава
Спарс е преморен и тоа се виде и на дуелот со Вест Хем. Ова сепак е сезона во која тие играа повеќе натпревари отколку што очекуваше шефот Маурисио Покетино. Аргентинецот зборуваше малку загрижувачки по тој меч, а во однос на овој дуел со Ајакс.
“Сакавме да освоиме три бода за да бидеме во добра позиција и да го пречекаме Ајакс со многу добро расположение”, рече тој.
“По победата против Брајтон во вторникот сите имаа многу добро чувство – дека имаме фантастична сезона. Но, по нашиот пораз денес, тоа е како ние да одиме во целосна спротивност”.
Ајакс веќе го направи невозможното
Младоста и полетноста на Ајакс се покажа дека може против секој. Тие веќе го направија невозможното откако ги елиминираа Реал Мадрид и Јувентус на Кристијано Роналдо во претходните два круга. Двете збирни победи дојдоа по одлични игри. Сега холанѓаните ќе се обидат да ги искористат проблемите на Тотенхем и да дојдат до добар резултат пред реваншот во Амстердам.
Несомнено во тоа им помогна одлуката да се одложи целата програма во Холандија за време на викендот ( луксузната англиска Премиер Лига и тимовите во неја може само да сонуваат за нешто такво ). Поради тоа Ајакс имаше цела недела да се фокусира единствено на овој меч и на ништо друго.
Ајакс има одлично вкопен и воигран тим
Поранешниот играч на Саутемптон, Душан Тадиќ е откровение и постигна 21 гол во последните 26 натпревари. Голема помош тој има од идниот фудбалер на Барселона, Френки де Јонг во средината на теренот и од тинејџер Матијас де Лигт во одбраната. Токму де Лигт е уште еден играч што се очекува да биде купен од европски гигант во текот на летото. Тука е и Хаким Зиех, мароканската верзија на Салах кој има вистинско око за гол и пас во вистинско време. Но мора да се спомене и недоволно ценетиот барем досега Дони ван де Бик, чиј напредок во играта сезонава е неверојатен.
Тие, исто така го имаат и аргентинецот Николас Таглиафицо за овој меч откако тој ја пропушти победата над Јуве поради суспензија.
На некој начин, сезонава гледаме еден класичен Ајакс со игра по која овој тим пред две децении беше препознатлив. Имаат добро владеење со топката, многу трчање и притискање на противникот, класична 4-3-3 формација, меѓутоа модифицирана според квалитетот на фудбалерите и според нивниот ков.
Наш предлог:
Be the first to comment