Премиер Лига 35-то коло: Најава, анализа и предлог типови

Премиер Лига

Во англиската Премиер Лига викендов на програмата се натпреварите од 35-то коло. Како се ближи крајот на сезоната, така лигата станува поинтересна. Има доста интересни средби и овој викенд, по кои многу работи можат да бидат појасни.

Манчестер Сити – Тотенхем – ГГ @ 1.80 во 1хBet

Ова ќе биде втор меѓусебен дуел помеѓу овие две екипи за само неколку дена, по натпреварот од ¼ финалето во Лигата на Шампиони. По жрепката за ЛШ, сите го имаа отпишано Тотенхем, но тие успеаа да го елиминираат Сити и тоа сосема оправдано. Славеа дома со 1:0, за пред неколку дена Сити да победи со 4:3 во еден крајно интересен и неизвесен натпревар. Такво нешто очекуваме и овој пат. Сити не смее да си дозволи кикс, бидејќи на тој начин може да остане и без титулата во Премиер Лигата, но Спарси се залетани и после елиминацијата на Сити, сега сакаат да му станат ноќен кошмар на тимот на Гвардиола.

Бурнемут – Фулам – 1 @ 1.71 во 1хBet

Бурнемут е мирен на средината на табелата и го чека крајот на сезоната. Уште помирен ќе биде доколку слави на овој меч, бидејќи и теоретски нема да има шанси за испаѓање, а ќе има шанси за прогрес на табелата. Фулам е веќе испаднат и тие полека можат да се спремаат за Чемпионшип следната сезона. Во минатото коло изненадувачки славеа над Евертон, но тешко е да се верува дека ќе врзат два добри резултати по ред.

Хадерсфилд – Ватфорд – 2 @ 1.92 во 10Bet

Исто како и Фулам, така и Хадерсфилд рано испадна од Премиер Лигата. Тие имаат освоено само 14 бода сезонава и веројатно ќе го имаат најслабиот резултат во историјата на Премиер Лигата. Ватфорд е солиден и во некои варијанти има дури и можност за излез во Европа. Токму тоа е целта на тимот, но за такво нешто ќе мора да слават победа на овој натпревар.

Вест Хем – Лестер – ГГ @ 1.57 во 1хBet

Вест Хем игра топло-ладно цела сезона. Сега е во серија од три порази по ред но поразите дојдоа од екипи како Манчестер Јунајтед, Челзи и Евертон. И покрај поразите тие одиграа добро и нема сомнение дека ќе бидат уште подобри на овој меч и покрај проблемите со повредени фудбалери. Лестер сака во Лигата на Европа следната сезона и секој освоен бод до крајот на сезоната за нив е драгоцен. Фаворити се на овој меч, но ќе имаат крајно тешка задача.

Вулверхемптон – Брајтон – 1 @ 1.79 во 10Bet

Вулфс има ист број на бодови како и Лестер, по 47 бода на делба на 7-то место. Токму таа позиција во некои комбинации може да ги однесе во Европа следната сезона. Но сега на гости им доаѓа Брајтон кој сака опстанок, а за тоа ќе мора да освојува бодови. Брајтон е на последното место кое обезбедува опстанок, но само со два бода предност пред Кардиф. Имаат серија од четири порази по ред и сега се пред императив на победа и мора да нападнат. Тоа Вулфс мже да го искористи во своја полза.

Њукасл – Саутемптон – Х @ 3.10 во 10Bet

Двете екипи се блиску до зоната за испаѓање, но и двете екипи се чуствуваат безбедно. Нивните конкуренти се во слаба форма, а Саутемптон и Њукасл освојуваат бодови. Сега и на едните и на другите ќе им треба реми, со кои би биле задоволни и двете страни. Се наговестува на нерешен резултат и ние очекуваме да се случи токму тоа.

Евертон – Манчестер Јунајтед – ГГ @ 1.67 во 1хBet

Овој меч привлекува големо внимание. Манчестер доживеа елиминација во Лигата на Шампиони од Барселона, каде одигра тежок натпревар. Тие играат слабо и во Премиер Лигата и Солскер мора да смени нешто, да освежи доколку сака и следната сезона да игра во европската елита. Се наоѓаат на шестото место и немаат друга опција освен победа. Евертон пак се надева на пласман во Лигата на Европа, но после киксот против Фулам минатиот викенд ќе имаат тешка задача.

Арсенал – Кристал Палас – 1 @ 1.57 во 10Bet

Арсенал обезбеди полуфинале во Лигата на Европа. Сега Емери има две цели пред себе. Да остане на позициите кои водат во Лигата на Шампиони и да ја освои Лигата на Европа. По двете победи над Наполи, атмосферата во тимот е на големо ниво и сега сите веруваат во исполнување на целите. Кристал Палас пак сезонава тргна катастрофално, но сега е мирен на средината на табелата. Тие веќе им откинаа бодови на некои од големите фаворити и тоа им е целта и на овој меч.

Кардиф – Ливерпул – 3+ @ 1.51 во 1хBet

Двете екипи мораат да слават победа. Ливерпул сака титула, а Кардиф опстанок. Впрочем, толку голема е и разликата во квалитет на двете екипи. Ливерпул го декласираше Порто во Лигата на Шампиони, му бега два бода на Сити но има меч повеќе. Затоа не смее да си дозволи кикс, а од друга страна треба да очекува кикс на Сити. Кардиф победи минатото коло против Брајтон, но шансата за други бодови треба да ги бара на друго место, не против Ливерпул.

Челзи – Барнли – 1-1 @ 1.71 во 1хBet

Челзи се наоѓа на петото место, откако во минатото коло доживеа пораз од Ливерпул. Но тие имаат ист број на бодови како и четвртиот Арсенал. Сега се пред императив да победат, а имаа тежок меч во четвртокот во Лигата на Европа кога славеа со 4:3 над Славија Прага. Барнли има три победи по ред, со кои практично си го обезбеди опстанокот во лигата. Сега ќе влезат растеретено во овој меч и затоа можат да бидат опасни, но Сари е свесен за тоа и нема да остави ништо на случајноста.

Be the first to comment

Leave a Reply

Your email address will not be published.


*