Манчестер Сити го доживеа својот прв пораз во сезоната токму од Челзи, кога загуби во декември со 2:0 на Стемфорд Бриџ. Но Пеп Гвардиола ќе се сети дека неговата екипа доминираше во секој сегмент, а само среќата беше заслужна што победа славеше Челзи. Тоа на некој начин значи дека Пеп може да го искористи истиот рецепт и овој пат.
Сити би требало да го користи конвенционалниот систем
Сити влегува викендов во Премиер Лигата, од врвот на табелата, иако има меч повеќе од Ливерпул. Нивниот пораз во Њукасл од пред 10 дена се чинеше дека би можел да биде фатален, но одеднаш трката за титулата стана повозбудлива по киксовите на Ливерпул.
Гвардиола користеше необичен систем во победата од 3:1 над Арсенал минатиот викенд. Формација крајно флуидна со брзо трансформирање префрлувајќи се помеѓу 4-3-3 и 3-2-3-2, со тоа што имаше клучна улога непрекинато префрлајќи се од напад во одбрана.
Гвардиола најверојатно ќе користи поконвенционален систем тука, меѓутоа со Џон Стоунс кој најверојатно ќе се врати во срцето на одбраната.
Николас Отаменди би можел да го задржи своето место таму со Ајмерик Лапорте од левата страна, бидејќи тој нуди поголема дефанзивна заштита од Фабијан Делф. Кајл Вокер ќе продолжи на десната страна.
Бернардо Силва стана голем играч на Гвардиола
Илкеј Гундоган најверојатно ќе се врати на клупата ако Фернандињо се врати на конвенционалната позиција во средниот ред. Давид Силва играше лево, а Кевин де Брујн десно.
Во нападот, Бернардо Силва постојано игра добро на големите дербија и би било нелогично Пеп да се откаже од него по одличниот настап против Арсенал минатиот викенд. Лерој Сане и Ријад Марез се алтернативни избори, но против Маркос Алонсо, Гвардиола можеби ќе сака некој што може да одигра добро и во одбраната.
Од друга страна, Рахем Стерлинг му намести два гола на Серхио Агуеро минатиот викенд и повторно може да игра на левата страна. Постои шанса Сене да се врати во првиот тим, што веројатно би значело Стерлинг да се префрли на десно крило, но пристапот минатиот викенд добро изгледаше и без Сане.
Сари нема да ја напушти 4-3-3 формацијата
Маурицио Сари никогаш не се повлекува од неговата формација 4-3-3, но тука веројатно ќе има мали изненадувања. Аризабалага ќе игра зад одбранбената четворка Алонсо, Давид Луиз, Рудигер и Аспиликуета. Но Луиз и Рудигер знаат да испратат одлични дијагонали во нападот, а против Сити тоа ќе го прават многу почесто од вообичаено.
Жоргињо ќе биде длабоко во средниот ред и ќе се обиде да ја диктира играта, но може да очекувате дека Сити ќе има некаков посебен план за да го притисне во во половината на Челзи како не би бил премногу креативен. Енергијата на Н’Голо Канте ќе биде потребна на подлабоки позиции, додека Рос Баркли веројатно ќе почне во триото на средниот ред. Матео Ковачиќ се бори со својата слаба форма во последно време и е преофанзивен за да стартува против Сити.
Кој ќе биде во шпицот на нападот
Кога станува збор за нападот на Челзи, Сари може да се реши на неколку варијанти но во секоја од нив би можело да има изненадување. Во пресрет на овој натпревар најмногу прашалници се појавуваат околу централниот напаѓач. Гонзало Игуаин постигна два гола против Хадерсфилд на последниот меч и треба да започне на овој дуел. Но има шанса Сари да се одлучи на спротивното бидејќи и тој е свесен дека Игуаин ја нема потребната брзина. Тоа значи дека Сари може да се врати на користење на Еден Хазард како шпиц, со Вилијан и Педро по страна.
Ако не, тогаш последните двајца ќе се борат за место на десната крилна позиција – Педро можеби е подобар против високо поставена одбранбена линија, а неговата тактичка интелигенција може да се покаже најдобро против екипа што ја води неговиот поранешен тренер, Гвардиола.
Челзи ќе се обиде да го намали притисокот на Сити пред да одигра брзо во контра нападот, како што тоа го направија во првиот меѓусебен меч сезонава. Способноста на Хазард да одигра експлозивно и брзо, може да биде од клучно значење против Вокер, кој ќе остане во високо поставена позиција при офанзива на Сити.
Алонсо често се наоѓа премногу високо на противничка половина и на неколку пати се покажа дека е спор при транзиција – додека Де Брујн и Силва може да се преоптоварат во дефанзива за да бидат концентрирани при нападите на Сити.
Наш предлог:
Be the first to comment