Ливерпул го започнува овој натпревар со 16 бодови предност во однос на Манчестер Јунајтед. Од оваа гледна точка, тешко е да се направи случај за тие да не го продолжат својот позитивен пат до шампионскиот трофеј на овој меч.
Фудбалерите на Јирген Клоп имаа тежок натпревар против Наполи во средината на неделата, но имаа еден ден повеќе од фудбалерите на Мурињо за одмор, бидеќи Јунајтед гостуваше во Шпанија кај Валенсија. Сепак, Жозе Мурињо одмори многу играчи на тој меч кој го загуби со 2:1. Но повторно тешко е да се предвиди неговиот почетен состав, па дури и почетната формација.
Клоп најверојатно ќе се врати на 4-3-3 формација
Ливерпул оваа сезона користеше две формации. Прво 4-3-3 што ја користеја минатата сезона, а потоа и 4-2-3-1 што стана редовен систем за нив оваа година, со Мохамед Салах кој доби слобода во играта позади напаѓачот и со Шаќири кој игра како крилен но и внатрешен напаѓач.
Сепак, Клоп има тенденција да се врати на 4-3-3 против посилните екипи. На прашањето, дали Манчестер Јунајтед се уште треба да се смета за силна екипа можеме да одговориме лесно: Тие имаат 16 поени помалце Ливерпул по 16 натпревари. Но тука е Мурињо кој секогаш знае да извади нешто од ракавот. Клоп ќе очекува битка со средниот ред против физички силна екипа, па затоа би требало да игра со 4-3-3.
Опции за средниот ред
Милнер веројатно ќе добие нова улога на овој меч, но за тоа малку подоле. Затоа веројатното трио во средниот ред ќе биде Хендерсон, Вијналдум и Наби Кеита, кој неодамна покажа неколку одлични партии, се наоѓа во добра форма и може да биде малото изненадување на Клоп.
Шакири се чини дека ќе мора да го препушти своето место на Салах кој веројатно ќе стартува на десната страна. Роберто Фирмино ќе игра како лажна деветка, а Садио Мане ќе ја држи левата страна.
Проблем на Клоп му создава друг дел од теренот. Ливерпул, во краток временски период доживеа двоен удар во централната одбрана. Прво Џо Гомез се повреди, а потоа Џоел Матип ја скрши клучната коска во победата над Наполи и тоа во последните моменти на натпреварот. Тоа сега значи дека Дејан Ловрен ќе стартува покрај ван Дијк на овој меч, но и на дуелите во наредните недели. Тие имаат пристоен однос кога се на теренот меѓусебе, иако двајцата сочинуваат спора бековска линија.
Исто така, постои сомнеж во настапот на десниот бек, бидејќи Александар-Арнолд се жали на повреда. Во една таква ситуација, повторно доаѓаме до името на Џејмс Милнер кој ќе биде принуден да игра на десната бековска позиција. Тој одигра добро против Бурнемут последен пат на истата позиција. Робертсон секако ќе стартува на спротивната страна.
Дефанзивни прашања за Мурињо и Јунајтед
Мурињо ќе биде особено загрижен од заканата на крилните играчи на Ливерпул. Далот беше одличен против Фулам минатиот викенд, но неговиот настап сега е под знак прашалник. Ќе мора на крилната бековска позиција Мурињо да игра со брз фудбалер, а ако не може Далот, тогаш ќе стартува Ешли Јанг. Иако не е природен одбранбен фудбалер, тој е добар во ситуации еден на еден. Тоа значи дека Лук Шо иако недоволно подготвен ќе мора да го заземе своето место на лев бек. Салах ќе има премногу простор ако игра против Шо, па затоа Мурињо е во дилема дали да стартува со него или пак со Матео Дармијан кој е уште една опција.
Ерик Баили сигурно ќе игра со Фил Џонс на централните бековски позиции бидејќи Виктор Линделоф, Маркос Рохо и Крис Смолинг се надвор од стројот.
Мурињо ќе се обиде да ја искористи единствената предност
Очекувајте Мурињо да го постави средниот ред со фудбалери кој ќе бидат физички надмоќни од оние на Ливерпул. Мурињо знае дека технички не може да се носи со својот противник и затоа ќе проба да ја искористи својата надмоќ. Тоа значи дека Немања Матиќ дефинитивно почнува, Андер Херера ќе игра заедно со него за да обезбеди енергија, а можеби ќе стартува и Маруан Фелаини. Другата опција, се разбира е Пол Погба – но французинот не одигра добро во Валенсија, па има веројатност да стартува од клупата.
Исто така Мурињо ќе се обиде да користи крилни играчи кои добро знаат да ги извршуваат и своите дефанзивни задачи. Тоа би можело да значи дека Џеси Лингард ќе ја држи десната страна против Робертсон. На спротивната крилна позиција Мурињо најверојатно ќе биде похрабар со употребата на Ентони Марсијал. Маркус Рашфорд веројатно ќе игра како осамен напаѓач пред Ромелу Лукаку, кој сеуште не е убедлив во своите настапи. Брзината на Рашфорд може да биде од клучно значење.
Наш предлог:
Be the first to comment