Групата Ф ќе донесе многу неизвесност во Лигата на Шампиони. Сити е фаворит, но преостанатите три екипи се речиси израмнети според квалитетот. Шајхтор е можеби вториот фаворит, но никако не смеат да се отпишат Лион и Хофенхајм.
ГРУПА Ф
Манчестер Сити се одвојува од останатите екипи според сите сегменти. Тимот на Сити и Гвардиола имаат јасна цел сезонава, а тоа е трофеј во Лигата на Шампиони. Конечно, оваа екипа сака успесите од Премиер Лигата да ги префрли во европската елита и ќе направи се за да стигне барем до финалето. Не дека ќе имаат лесна задача во оваа група, но се големи фаворити и сите очекувања се дека ќе ја оправдаат таа улога.
Е сега, големо е прашањето кој од преостанатите три екипи во оваа група ќе заврши втор. Сите три екипи имаат речиси идентични шанси за такво нешто, но најблиску до тоа е Шајхтор. Украинската екипа повторно е многу силна, има одлични поединци а веќе има и огромно искуство во Европа, каде секоја сезона игра елиминациски дуели и стигнува далеку.
На Лион и Хофенхајм ќе им биде тешко во Украина. Двете екипи се блиску според квалитетот. Лион го има речиси истиот состав од минатата сезона, а пак Хофенхајм беше изненадување минатата сезона во Бундеслигата откако остана без најдобрите фудбалери но обезбеди Лига на Шампиони. Оваа екипа имаше слично трансфер лето и оваа сезона, но Хофенхајм секогаш успева да пронајде достојни замени.
Голема е веројатноста дека екипата која ќе освои најмногу бодови на гости, ќе заврши како втора во оваа група, веднаш зад Сити.
Be the first to comment