Фрајбург и Леверкузен ќе го отворат 29-то коло во германската Бундеслига, со својот натпревар кој е на програмата во петок. Ќе биде ова интересен меч, во кои гостите и покрај шокантниот пораз минатото коло влегуваат како големи фаворити.
Фрајбург останува без победа по паузата
Фрајбург во вторникот беше блиску до победа по убедливото водство од 1:3 над Ајнтрахт Франкфурт, но тие примија два гола за само три минути и освоија само бод. Во моментите кога сите веруваа дека бодовите ќе ги освои Фрајбург, прво во 79-та па во 82-та минута примија два гола, за конечни 3:3.
Двата изгубени бода значат многу, бидејќи тие заостанаа позади Волфсбург за четири бода, а тоа реми го искористи Хофенхајм кој ги претекна на табелата. Се уште се во трка за квалификациите за пласман во Лига Европа, но нивните шанси значително се влошија.
Екипата на Кристијан Стрич се покажа добро оваа сезона, а речиси сигурно ќе заврши над минатогодишното освоено место. Но тие не забележаа победа откако се врати врати фудбалот во Германија по паузата – одиграа двапати нерешено на гости со Ајнтрахт и Лајпциг и загубија дома од Вердер Бремен.
Волфсбург му зададе тежок удар на Леверкузен
Имаше шокантен резултат на „Баер Арената“ во вторникот вечерта откако победничката серија на Баер Леверкузен беше катастрофално запрена и тоа од тимот на Волфсбург кој беше навидум во вон-форма.
Тоа не беше било каков пораз – беше катастрофален. Домаќините губеа и со 0:4, но барем дадоа утешен гол на крајот за конечни 1:4. Леверкузен ја имаше топката во свој посед, но освен тоа сето останато беше на страната на гостите.
За волја на вистината, загубата можеше да биде многу поштетна за избраниците на Питер Бос, бидејќи ривалите за пласман во Лигата на шампионите, Борусија М’Гладбах и Лајпциг исто така кикснаа и одиграа нерешено со своите противници. Но од друга страна Баер можеше да освои значајни бодови и да дојде до само бод негатива од Дортмунд кој е втор, а загуби од Баерн Минхен во вторникот.
Имајте верба во Леверкузен
Букмејкерите веруваат во тимот на Леверкузен. За нивна победа коефициентот е околу 1.70, додека за победа на домаќинот е околу 4.60. За реми коефициентот е 4.00.
Последните неколку домашни резултати на Фрајбург мора да бидат грижа за секој што размислува да се обложи на овој меч. Фрајбург игра топло-ладно, но сепак има четири порази и две ремија на последните шест натпревари на својот стадион, а не успеаа да постигнат гол на три од нив и тоа против Падерборн, Фортуна Дизелдорф и Вердер Бремен кој важеа за аутсајдери.
Пред неуспехот со Волфсбург, Леверкузен беше во серија од 12 натпревари без пораз на кои забележаа неверојатни 11 победи. Нивниот моментум не забави како резултат на суспензијата на лигата, бидејќи тие изгледаа одлично во победите од 4:1 и 3:1 кај Вердер Бремен и М’Гладбах.
Понекогаш фудбалот може да даде некои неочекувани резултати, па може да се каже дека тие имаа само еден лош ден во вторникот. Би требало да се вратат на победите.
Be the first to comment