Формацијата на Зидан може да биде контра удар за него во финалето на Лигата на Шампиони. Тешко дека со таква тесна формација Реал ќе може да ги запре брзите крила на Ливерпул. Можеби Зидан ќе промени нешто, но во тој случај ќе изгуби на офанзива, а затоа се соочува со тешки формациски маки.
Тешко е да се предвиди формацијата на Реал, но генерално гледано Зидан користи двајца напаѓачи. Тоа значи дека веројатно формацијата ќе биде 4-3-1-2. Најголемото прашање во овој систем е тоа што остава големи пропусти на двете страни на надворешните централни играчи од средниот ред. Тоа е проблем поради тоа што напаѓачите на Реал ретко кога помагаат во дефанзивата, а ова особено важи за Роналдо и Бензема кои веројатно ќе стартуваат.
Тоа ќе им даде дополнителен простор на Ендру Робертсон и Александар-Арнолд. И двајцата станаа суштински елементи во напаѓачкиот систем на Клоп, откако Кутињо го напушти клубот. Одличните тркачки особини на овие двајца играчи ќе ја рашират играта на Ливерпул во сите правци, бидејќи Реал ќе биде ослабен токму на крилните позиции. Пред се ако се знае дека бековите на Реал ќе имаат тешка задача и со Салах и Мане.
И Фирмино ќе има голем удел
Формирањето на формациската поставеност на Реал ќе создаде тесен квадрат во средниот ред, оставајќи ги Робертсон и Александар-Арнолд со убав простор да тргнат во офанзива кога тоа ќе биде потребно. Ако се знае храброста на Клоп, тие ќе одат и на 30 метри од голот на Реал Мадрид. Роберто Фирмино ќе игра голема индиректна улога во оваа тактичка карактеристика. Работата на бразилецот ќе биде да се повлекува назад, оставајќи простор на крилните фудбалери на Ливерпул. Со тоа ќе ги повлекува централните дефанзивци кон себе и ќе им остава простор на крилата.
Наш предлог:
Be the first to comment