Ливерпул – Евертон, едно од најголемите и најстарите дерби натпревари во Англија. Битката за Ливерпул секогаш нуди интересни, неизвесни средби со многу борба, како на теренот, така и на трибините. Така ќе биде и овој пат, без разлика што Ливерпул има многу подобра сезона од гратскиот ривал.
Клоп и страшната напаѓачка четворка на Ливерпул
Јирген Клоп може да се пофали со 100% рекорд во Мерсисајд дербито и тој е многу блиску да забележи уште една победа против Евертон. Ливерпул се загреа за овој натпревар на одличен начин, со уништување на Спартак Москва во Лигата на Шампиони во средата славејќи со неверојатни 7:0. Перфомансите на Ливерпул беа неверојатни. И не само на тој меч, туку Ливерпул игра застрашувачки добро веќе подолго време. Клоп ефективно ја користи напаѓачката четворка, Кутињо, Мане, Салах Фирмино. Против Спартак Салах и Фирмино постигнаа по еден гол, Мане постигна два, а Кутињо го забележа својот прв хеттрик за Ливерпул. Според тоа, Евертон треба да биде и тоа како загрижен.
Во однос на персоналот, Клоп веројатно ќе изврши неколку промени во однос на мечот со Спартак. Симон Мињоле ќе го замени Лорис Кариус на голот. Хендерсон ќе се врати во средниот ред, најверојатно на местото на Емре Џан, иако Клоп може да одлучи да стартува и со Џан. Тој може да стартува заедно со Хендерсон, со тоа што Вајналдум ќе остане на клупата. Алберто Морено се жали на повреда и најверојатно ќе биде заменет на левата страна од Џејмс Милнер.
Кутињо му дава неколку опции на Клоп
Клоп сака да доминира во средниот ред и конечно најде начин за доминација против било која екипа. Кутињо импресионира по неговото поместување во срцето на теренот, наместо на вообичаената за него лева напаѓачка позиција. Токму тој му дава неколку опции за формациска поставеност на Клоп. Евертон има проблем кога игра против екипи со стандардна формација 4-4-2, а тоа Клоп добро го знае. Доколку не оди се според планот, Клоп лесно може да ги постави Кутињо и Мане по страничните позиции, а Фирмино и Салах во нападот. Против оваа одбрана на Евертон, притискањето по страничните позиции може да биде многу корисно, а тоа Кутињо и Мане можат да го изведат до перфекција.
Големиот план на Алардајс
Сем Алардајс дебитираше со домашна победа над Хадерсфилд минатата недела. Славеше и против Аполон во неважниот меч од Лигата на Европа на Кипар. Под негово водство екипата на овие два меча постигна 5 гола, а не прими ниту еден. Сепак ова е неговиот прв сериозен тест како шеф на Евертон. Интересно е тоа што Алардајс не отпатува со втората екипа на Евертон за Кипар на натпреварот од Лигата на Европа во четвртокот. Наместо тоа се концентрираше на тактичките варијанти и исполнување на неговите замисли со првиот тим. И покрај тоа тешко е да се верува дека Алардајс за толку кратко време ќе може да го поправи сезонава слабиот Евертон. Уште помалку дека ќе можат фудбалерите да ги пресликаат неговите планови на теренот.
Главниот проблем е одбраната, каде што Евертон се уште има големи проблеми со повредите. Се чини дека одбраната составена од Кени, Мајкл Кин, Ешли Вилијамс и Мартина е единствена опција на Евертон во овој момент. Но оваа четворка во одбраната е катастрофална. Ниту еден од овие фудбалери се немаат докажано вистински во Премиер Лигата. Единствен во подолг стаж во англиската елита е Вилијамс, но и тој секогаш настапувал во екипи од долниот дел на табелата. Едно е јасно, оваа одбрана на Евертон нема да може да ги сопре налетите на Мане, Салах и останатите.
Затоа Алардајс ќе се обиде да ги заштити бековите со цврст фудбалер со дефанзивни карактеристики во средниот ред. Идриса Гуеје на дебито на Алардајс играше веднаш пред бековите и речиси ниту еднаш за време на мечот не ја премина половината на теренот. Интересно но тој беше осамен во средниот ред минатиот викенд. Некои очекуваа Шнајдерлин да му даде поддршка овој пат, но французинот започна во Лигата на Европа во четвртокот, па веројатно ќе биде повторно на клупата. Енергијата на младиот Том Дејвис треба да биде од клучно значење во средината. Алардајс верува и во Арон Ленон и тој веројатно ќе стартува на десната страна. На левата страна повторно ќе биде Гилфи Сигурдсон, кој по потреба ќе делува и во внатрешноста.
Руни ќе продолжи во средниот ред
Потоа, тука е и прашањето за Вејн Руни, кој беше импресивен против Вест Хем во централната улога во средниот ред. Кога Алардајс беше селектор на Англија изјави: “Не е на мене да му кажам на Вејн Руни каде да игра”, но Алардис треба да донесе голема одлука за Руни овој пат. Веројатно Руни ќе продолжи во средниот ред бидејќи тој експеримент досега се покажа како успешен.
Тоа пак значи дека најистурен во нападот ќе биде младиот Доминик Калверт-Левин, кој ќесе обиде да ја рашири одбраната на Ливерпул со својата брзина. Ливерпул знае да киксне во одбраната, а прегледноста на Сигурдсон е одлична, пасот уште повеќе и Клоп ќе мора да внимава на неговите долги топки кон Левин.
Наш предлог:
Гледаме убедлива победа на Ливерпул на овој меч. Се чини невозможно е Евертон да ги запре напаѓачите на Ливерпул, без разлика какви изненадувања ќе приреди Алардајс. Тоа многу добро го знаат и букмејкерите и затоа коефициентот за победа на Црвените е само 1.30 во 1xBet. За реми коефициентот достигнува до 6.20 во 1xBet. За победа на Евертон во обложувалницата 10Bet коефициентот е дури 11.00.
Мартина кој е принудно решение на позицијата лев бек, е најслабата алка во Евертон. Токму затоа добра опција е да се обложите дека Мане ќе постигне гол на овој меч. Коефициентот за такво нешто е 2.45 во 10Bet.
Be the first to comment